ياجواب اليوصل الهذا السؤال

[الشاعر هاني]

يازمان الحققت سابع مُحال
وال اميه الفرحت ابمضمونها

زينب الجانت مينشاف الخيال
هسه كل الوادم ايشوفونها

يا أسيره! اشلون وبيا احتمال
والجبال الجانوا ايحامونها

صدو الطوفان وبيوم النزال
هيه فرصه وهاي اليريدونها

لفوا الكاع ونهر ماي الزلال
ومثل ورقه وكاموا ايلفونها

الهوه المخنوك وبزود الرجال
إوقسموها وشتتوا بضعونها

ياصفوف الضلت ابذاك القتال
طشروها إوكاموا ايلمونها

عَلموهم عالصحيح إوعالحلال
والمحاكم بيهم اينصبونها

ياهذاك الجيش رهن الاعتقال
والسيوف الكعدوا ايثلمونها

رسمو التاريخ وادروب النضال
والكرامه الرفضوا ايبيعونها

ياجمال اليوصل الهذا الجمال
بهروا الدنيا وتشوف اعيونها

القصائد حلوه وكت الارتجال
إوياحلات ابحومه ويكولونها

الجفوف الجانت ابكطع الجدال
ياحسافه وكدروا ايكطعونهه

والله لوما بالغدر ماكو مجال
هاالجفوف الهسه ويبوسونها

لكن انكتبت على هاي الجبال
اتصير ويه الكاع ويذبحونها

ال اميه امعلمه ابهل اغتيال
والغدر شيمتهم ويدرونها

العقيله الجانت ابخير ودلال
بالسياط وصاروا ايضربونها

ياجواب اليوصل الهذا السؤال
هاي زينب والمن اتعوفونها

حسين االساعدي

[المرتضى]

بسم الله الرحمن الرحيم
احسنت الاخ الكريم على المشاركة الفاعلة والنقل الهادف..جزيت خيرا
بانتظار جديدك المميز

[ابو زينب الظالمي]

أحسنت وأجدت
في ميزان حسناتك ان شاء الله