النور كبـَّر وانتشر فيض الرشادْ
يوم حل بدارها بدر الجـــــــوادْ
*********
شعشع بنوره ورسم بيده الفخر ْ
وارث الهادي وابو نور الأغرْ
بفضله نور الدين عالمله انتشرْ
والعلم بالكون من جفوفه زادْ
*********
غنى طير المرحمه وطير السعدْ
مثل نوره وخيره ابداً منـــــــولد ْ
رحمة اللإسلام من رب الصمد ْ
ونبع طيبه غركـــت كل البلاد ْ
*********
مابلغ تسعة وملـــــك تاج الأمـــــرْ
ومجلسه ويه العالم مصدر الصدرْ
بيه شيعة ال احــــــــــمد تفتــــخرْ
أبو جعفر ثبَّـــــت بجفه العــــــــمادْ
*********
ثبت للإسلام من جفه العـــــــــمود ْ
وسكـَّت بعلمه النصـــارى واليهودْ
من عرين ال الرضا وبيت الأسودْ
وثبتت بأسمــائهم سبع الشــــــدادْ
*********
ورث من جده المهـــــــابه والنده
موسى بن جعــــفر وربك سدده
ومن ابوه الرضه المنهج والهدى
ومن علي الكرار جلمات الجهادْ
*********
مدرسه ومن زغره ينبوع العلمْ
وفيض جفه البحرطاريه النجمْ
فهَّم بحجيه الذي مايفـــــــــتهمْ
وأفحم اهل الدجل وشيــــــوخ العنادْ
*********
حيِّ بغداد الســــــــطع بيها الكرم
وي جده الكاظم عيون النــــــــعم
للكرامة وللكرم صــــــاروا علم
وللكلوب الضاميه كهف ومهاد
*********
النور كبـَّر وانتشر فيض الرشادْ
يوم حل بدارها بدر الجـــــــوادْ
*********
وكل عام وأنتم بالف خير وتقبل الله طاعاتكم
ليلة العاشر من شهر رجب 1436هــ
تعليق