اه واويلي على موسى بن جعفر

[عدنان منعم]

اه واويلي على موسى بن جعفر

جرحك بكلبي يظل طول السنين
والانين يلوع الروح الانــــــــــين
يامنار الدنيه ياابن الحســــــــــــين
والحزن بمصابك على الروح حدر- اه واويلي على موسى بن جعفر

كون عباس الكمر يمك حــــــضر
جافناها بعزمه هيبتـــــــــنه الكمر
يلوي ســـــبع الكنطره حتى الدهر
يخو زينب ردنه فوك الجسر تحضر- اه واويلي على موسى بن جعفر

اه ياباب الحـــــــــوائج والمراد
ناحت ليومك تره السبع الشداد
انته للشـــــيعه تظل دوم العماد
الصبر لجلك يبن جعفر تكنطر- اه واويلي على موسى بن جعفر








يااسد بغداد يومك بــــــــينه نوح
والجروح البينه ماتشفه الجروح
يالمصابك هدم اصروح وصروح
عالجسر تجري الدمع فاطمه الكوثر- اه واويلي على موسى بن جعفر

منك تعلمنه معنى التضـــحيات
تبقى مـــعهد مايخرج بس اباة
نظره منك ســيدي تسوه الحياة
نفدي صرحك سيدي من دمه المنحر- اه واويلي على موسى بن جعفر

كاظم الغيض وتظل نور السنين
نعزي عباس ونعزي احنه الحسين
وياك نبقى ودوم باســــمك هاتفين
والمصابك نصرخ احنه الله اكبر - اه واويلي على موسى بن جعفر

خادم الحسين عدنان منعم

[الأزري]

عظم الله اجوركم اخ عدنان منعم ووفقكم لكل خير