تويت
اجاك ابني لاتخافين وفي ومضحي بحياته
رضع من ثدي حره يخاف على امه وخواته
من سمع بداعش غزوك كام وتحزم بذاته
حرم على نفسه النوم بفراش وانتم شتاته
كال الشيعيه امي والسنيه امي هاي صفاته
ركض للبندقبه يركب الشاجور بطلقاته واداته
ودعنه واجاك بلهفه يريد يصول صولاته
وسال الدم نهران سقى الكاع وروى ذراته
ياختي ابني وفى للوطن بروحه ودمه ورفاته
ياختي ابني من شيعة علي لضحى بحياته
علي ضحى للناس كله ورضى ربه رضاته
يااختي ابني مامحتاج منكم شي يعيش بعزه وغناته
يااختي علمي ابنك الشيعي هذا اخوك وصيه وسماته
خلهم يشدون احزام واحد على داعش ودعاياته
خلهم يصفون نيتهم ويدمرون العدوا وكل جماعاته
ياختي كافي حقد واغلال ولذيب احنه فريساته
ياختي الوطن واحد والدين واحد ووحده صلاته
ياختي نهر دجله والفرات للعراقين بكل ضفاته
ياختي داعش يريدون من الوطن نهب خيراته
ياختي انه وانتي نذكر الاولاد يرفض كل دعاياته
ياختي هاي رساله من شيعيه تقهر داعش وقياداته
ياختي يبقى الاسلام دين الحق وترفرف فوك راياته
والحق ينتصر لو ضحى الشعب باولاده وبناته
(بقلمي)
تعليق