الكمر نور وجوده

[عدنان منعم]

الكمر نور وجوده – بكربله يكتب عهدوه
هذا عباس – هذا عباس

بيش ابدي وشنو اعوفه انته عباس
المراجل كلها انته ولا ماتـــــــنقاس
تشهد الكنطره عزمك تحــبس انفاس
يخو زينــــب بيك افخر تاج عالراس
الحرف ماوصل كدرك – بكربله مكتوب وعدك
رفعة الراس – هذا عباس

المعاره تـــــــــخاف منك انته معروف
من علي الكرار عزمك تفني الصـــفوف
يخو زينب الك شـــــــاهد وادي الطفوف
انته بس غيره وشجاعه ورافض الخوف
انته بس غيره ومراجل – بصولتك تفني الجحافل
يخمد انفاس – هذا عباس

مولدك مولد الغيره عالي الشــــــــان
اســـمك العـــــباس يكفي ارقى عنوان
انته من الحســــن عزمك تطك بركان
يابو فاضـــل كرامه وكــــــلك احسان
من الحسن ماخذ صفاتك – بالفخر خلصت حياتك
تشهد الناس – هذا عباس
خلصت عمري بخدمتك تشهد سنين
لاتخليني بحفرتي بروح الحســـــين
وانه بالمولد ياهيبه وتـــــــهمل العين
ادري حبك ياابو فاضــــل يعني الدين
الله خصك بالكرامه – يافرع من الامامه
انته احساس – هذا عباس

من اكصــدك يبو فاضل روحي ترتاح
من اشم ريحة ضريحك تشفي الاجراح
كلبي لجلك يبو الغيره هلهل وصــــــاح
وعطــــــــــر ميلاك ياغالي ورد وفاح
وي دمه الشريان تسري – اغلى من روحي وعمري
ثابت الاساس – هذا عباس

تلعب بزغرك يغالي بدرع وبطــــاس
انته صكــــار الرجال تخـــــمد انفاس
اخو زينب اخو اخيته تشـــــهد الناس
تســـــري مسره الدمه بينه انته عباس
ياخو زينب ماعوفك – كون كل لحظه نطوفك
تاج عالراس - هذا عباس


خادم الحسين عدنان منعم