إعـــــــلان

تقليص
لا يوجد إعلان حتى الآن.

إستغاثة بصاحب الأمر عجل الله تعالى فرجه الشريف

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • إستغاثة بصاحب الأمر عجل الله تعالى فرجه الشريف


    ياصاحب الزمان انت الملاذ سيدي
    أين أنت دلني على مكانك مولاي

    🌴🎂
    وينك أسأل عليك إبكل كتر...وينك

    كل عمري عايش أنتظر...وينك
    ما ظل عله إفراگك صبر...وينك
    🌴🌴🌴
    عمري شمعه و ذابت بنار انتظارك
    ليل صبري يرتقي إبطلعة نهارك
    يا حبيب الروح دليني إعله دارك
    مثل قيس أرد أعتني و ألثم جدارك
    شوقي يتخطه قانون الزمن...شوقي
    منذور إلك يبن الحسن...شوقي
    يسألني كل لحظه التمر...وينك
    🎂🌴🌴🌴
    عايش إبسحرك أنا و صاير رهينك
    عيني ظلت شابحه الغرة جبينك
    إحسبني من أيتامك اليطلب حنينك
    سيدي و إمسح على راسي إبيمينك
    حالي خله الصخر دمعه إيهلي...حالي
    حال اليتيم إبلا علي...حالي
    امتاني طلوعك يا فجر...وينك
    🎂🌴🌴🌴
    إتعيش وحدك و بغيابك وحدك إتسير
    إلمن إتسولف همومك لمن إتحير
    مثل حيدر أعتقد يا سيدي إتصير
    حين تشكي إتخلي راسك داخل البير
    تشكي من تشكي يا هو اليسمعك...تشكي
    منهو اللي يمسح مدمعك...تشكي
    يا القابض إبجفك جمر...وينك
    🎂🌴🌴🌴
    من بلاد الله الوسيعه مستقر وين
    إبكربله لو يم علي برض الغريين
    سيدي و إعليك أمشي نحر الحسين
    ابشوفتك يبن الحسن خل نكحل العين
    ريتك تشملني إبجف رأفتك...ريتك
    تسمح لي أحظه إبشوفتك...ريتك
    جاوبني لو غاب البدر...وينك
    🎂🌴🌴🌴
    گالولي اللي يريد يتشرف بملگاك
    إبموسم الحج إنت تحضر كل سنه هناك
    رحت مكة و قلت يمكن ألتقي إوياك
    لچن ظلت بالگلب حسره اعله فرگاك
    غايب و الغيبة بس عن النظر...غايب
    لاچنك إويانه إتحضر...غايب
    و بيا وكت عيني تقر...وينك
    🎂🌴🌴🌴
    مسجد السهلة إنشده عن بكائي
    خل فجر الجمعة يوصف لك دعائي
    رغم تقصيري و رغم شدة جفائي
    بندبتك يبن الحسن دايم ندائي
    بسمك تدري إشكثر صاح القلب...بسمك
    كم ورده زارع بالدرب...بسمك
    يالمهدي خلصت العمر...وينك
    🎂🌴🌴🌴
    ياللي متفضل علينه بفيض عطفك
    يا وكت يا سيدي إتحفنه و نحفك
    يمته جدام المله إنصافحها كفك
    توگف تصلي جماعة وإحنه خلفك
    يمته بيومك ترد تحي المهج...يمته
    يا سيدي يوم الفرج...يمته
    نتهنه و إنشوف النصر...وينك

    للشاعر المبدع الميرزا عادل أشكناني حفظه الله تعالىِ

  • #2
    اللهم صل على محمد وال محمد
    احسنتم ويبارك الله بكم
    شكرا لكم كثيرا
    متباركين


    تعليق


    • #3
      لكم الحسنى والتوفيق وشكرا لمروركم الكريم اللهم يبارك في عمركم ويزيدكم إيمانا وتوفيقا

      تعليق

      يعمل...
      X