موازنة الحسين عليه السلام:::

[لوعة فاطمة الزهراء (ع)]

موازنة الحسين عليه السلام:::
موازنة العراق معطله من العام
وموازنة الحسين الناس قرتها !
مابيها تقشّف بل زياده وخير
وزادت عن امس بهواي سفرتها
موازنة الحسين امباركه من الله
برميل النفط ماحاط قيمتها
توافق ماتريد بمجلس النواب
گلوب توافقت والشيعه غذتها
تمويل وصرف من فقره واهل الخير
المهم هاي المصادر بيضه نيتها
لا هيئة نزاهه ومحكمه وتفتيش
وشوف شكَد نزيهه الناس خدمتها ؟!
لان تعرف ثمن خدمة ابو الاحرار
وأجر مابعده أجر خص لزيارتها
اصفن للدول لو مرها طارىء يوم
مجرد چم ألف تعلن مجاعتها
واحنه بحرب تطحن والبلد مضنوك
وملايين التزور انواع وجبتها !
وبلايه ثمن تدفع محبة احسين
واهل الزاد تربح من ضيافتها
موازنة الحسين بگلب هاي الناس
ناس الماتقصّر يم عقيدتها
اليهب روحه ثمن قربان لهل البيت
ياخدمه بعد يترك حلاوتها ؟!
الحاج ضرغام
سلام الله على ابن حبيب الله
للتذكير بسفرة الامام عليه السلام يوم الاربعين
اللهم بحق الحسين فرج على العراق