تويت
للزهراء "ع"
.......
زينب مـن تـلوب شمال يمنه
غصت بالبواجي تصيح يمنه
يـريت يصير وترجعـين يمنه
وتشوفين الغـياب أسوه بيه
...........
أنبرد بسمـار البضلعج وشربي
دمعي من الجفن يطلع وشربي
اعوف الزاد من بعدج وشربي
شربت ادموم عالزهرة الزجيه
.........
تقبلونه نصير الـكـم خـدمكم
وجبريل الوحي يمكم خدمكم
معقولة أنسطر شفتو خدمكم
وأبـوكم ربطت أيـده الوصية
........
منـارة شلـون مـا إلـهه قبلها
قـبـل مـا تـولـد البـاري قبلها
وعـين أم الحسـن ربنه قبلها
كفر بالله السطر عين الزجيه
.........
انه اسم النبي حروفه وسطرة
وعمري يضيع بخلافة وسطرة
عذابي يصير بسماري وسطرة
على عيني وضلع مكسور اليه
.......
وحـق الخـالق السبعة عمرها
البتول تموت ما كملت عمرها
إلف لعنة على الظالم عـمرها
كسر ضلع وشعل نار السرية
.......
على باب الحزن اكعد وهيمن
ونوح واجر حسراتي وهيمن
يربي شلون عصروها وهيمن
البضعة فاطمة الزهرة الزجية
..........
يغايب هاك اخذ ثاري حضرته
وثار المنذبح بالطف حضرته
ولليسال على كبري حضرته
اليزور ابني يجي يسلم عليه
........
انه ويه الوحي الباري وصبها
الدهر نيشن بضلوعي وصبها
المصايب نزلت ابكلبي وصبها
ضلع مكسور خله وسطرة بيه
.........
أم حـسـين هــاي انـه ومحسـن
دهري وياي ما منصف ومحسن
عصرني الباب بسماره ومحسن
لفتني يكـول يا يمه المنـية
.............
يفضه جروح عديلي وحسبي
لـربي فـوضت أمـري وحسبي
بسـمار الهشم ضلعي وحسبي
ذبح محسـن يربي بين أديه
.............
ليالي فراك هجرك ضلمني
انه شبعـدك يبويه ضلمني
تعرفة الي شتمني وضلمن
ضربني ومحسن الينغر علية
......
بعد مني النفس من يوم بعداك
وبيش انه اسلي الروح بعداك
حرت بالهم يبويه وحرت بعداك
من هجمو بعد عينك علية
........
تمسك يـبني لا تنزل دخـلك
احس بسمار البصدري دخلك
بشدة وما صحت حيدر دخلك
اذا اصيحن يشك الكون اليه
........
يهنياله الـــمدح فــــاطم ورثها
شعل روحي حزن فكدج ورثها
الكفر غصبوها يا حيدر ورثها
شيكل الله الكسر ضلع الزجية
........
للحوراء زينب "ع"
.........
سبونه خلاف عينك ونسبينه
يجيني البـيـن خـويه ونسبينه
ونموت ويـاك ردنه ونسبينه
ولا يحـدي الـشمـر بيه سبيه
...........
عيني من الدمع هلت منهلاي
وحيدة وماحضر يمي منهلاي
يعبـاس العـذب بعـدك منهلاي
خـلافـك هالنفس يحرم عليه
............
شمر يحرك خيم زينب وجاها
الهي بكسر ضلـع أمي وجاها
تصيح الغـوث يا حيدر وجاها
شحـده اليـاخـذج بنـتي سبيه
.........
الـدموع تفيض مني من شفاها
جروحي بغير شوفه من شفاها
النذل يضرب أخـويه من شفاها
وجـدامي يسب حـامي ألحـميه
.........
العـقيلة ورثت مصايب ورمها
المتون بسوط يضربها ورمها
ومنو الها فـزع بألطف ورمها
يخـلصها مـن أحـبال الـرزية
........
منو ألزينـب يبو فـاضل حملها
وتـشيل اجفـوفه بالشدة حملها
شمر يا وسفه من ردت حملها
وعـلى الهزل يصعـدوها سبيه
..........
لفتي أليالي من بعدك مظلماي
يعباس الشمر ترضه مظلماي
انه بعيني يبعـد أختك مظلماي
وشـوف تصيح عطشانه رقيه
.......
الكمر نصب خيم زينب وشدها
حمل حملات عالحومه وشدها
الشـريعة بجفه شالاها وشدها
ويـمطـرهـا أذا عـطـشت رقية
........
خـلـق ربنه بكًـلب زينب سكينه
الـدهر بجروحها حدحد سكينه
صدك عانت لان عطشت سكينه
شيجيب الماي من وادي ألمنيه
.........
الـوكـت مايـوم للحـرة صفلها
بعـد عباس ياهـو إلـي صفلها
وتريـد الـماي لـكن ما صفلها
وراعـي الجـود وافـته ألمنيه
..........
الجمل واكف صعدته مانخيته
الشمر بعـدك يخـويه مانخـيته
شعجب عباس يدري مانخيته
يشوف بعينه ضل يسبون بيه
..........
يغـايب دمعـة عيـوني سجلها
زينـب بالعـطش محـد سجلها
باجـر بالحـشـر تفـتح سجلها
وتحكم عالسباها وسب رقيه
..........
أبوها الوالي غـيره من ولاها
الأرض مايوم تفرغ من ولاها
الشمر زينب وحدها من ولاها
وأخـوها حسين نايم عالوطيه
........
عبرة الكون يأخذ من عبرته
اخوي حسين فتح من عبرته
ومـا أميز ونينه من عبرته
ويشوف عيون تتفرج عليه
...........
إلك هالكوم جدي من سبوني
سبيت أروح منهم من سبوني
شفت جبريل يلطم من سبوني
يصيح الغوث يا حامي الحميه
..........
عـلينه بـنار شـبـوها خيمنه
ولا واحـد بقى منهم خيـمنه
فـزعـنه بليل عالجثه خيمنه
نصيح الغوث آه يبن الزجيه
.........
انه المثلي أخوها ما تخونه
تنفذ كـل وصيـته ما تخونه
صحت بعماق كلبي ماتخونه
بالطـف والحجاب يلوذ بيه
.........
اشكي المن هضم سبيي وجتفي
وظهـري سيـاط ورمـنه وجتفي
حـبـال مـربـطه أبـأيـدي وجتفي
انخلع مني ألعـده يجـرون بيه
...........
اشتعل كلبي على فكدك وجربي
جـفـوفك مابقت عندك وجربي
ويجر بيه الشمـر يمك وجربي
واسمعه يكول هاي أختك سبيه
...........
بت من يندب انه مـا نختمن
علي مرن مصايب ما نختمن
وتعرفـني النوايب ما نختمن
أخت عباس انه الهاشمية
........
تعـب عـباس كـلبي موتهنه
وتره بموتك يخويه موتهنه
انتهت منك حـياتك موتهنه
أصير خلاف عينك خارجية
........
علي الاكبر "ع"
........
هـرش كلبي بغيـابك ذيل عوده
يالـكـبر روحـتـك لـو إلك عوده
شفت حسيـن لمن حضن عوده
أحس ارض وسمه طبكن عليه
.........
نهـاري ابفـركـتـك اظلـم وليله
اخـذ مني النـفـس بعـدك وليله
يصـيح حـسيـن ادعـيـله وليله
دعـيـت الله يـرد ابـني عـليه
.........
للعليله "ع"
..........
انه المـاشفت هـدنه وراحات
عليلة المرض حتني وراحات
عـمت عيني يخواتي وراحات
خوله وفاطمة وسكنه ورقية
..........
أبـوي الـراح عـني ودعيته
عمري إخلاف عينه ودعيته
ادعـي الغـوث ربي ودعيته
يـردك يـالابـو سـالم عـليه
........
احتـقن دمعي بعيـوني ولأهـل
عسه نورك صبح مظلم ولاهل
وحـدي ولا أبـو عندي ولا هل
شتهل يهلال هل موتي عليه
.........
أم البنين عليها السلام
..........
طحن روحي صبر كلبي وفتها
الزجية الطاهرة ألزهره وفتها
المنية شلون اجـت ليها وفتها
هضمها حسين والماتت سبيه
.......
هدم روج الدمع عيـني وسدها
عـلى أبني كـمر هـاشم وسدها
جفوفه شلون عالغبـره وسدها
لمن زينب سباها ابن الدعيه
........
الإمام المهدي عج
...........
انتظرنه سنين لـكن منتظرنه
تضرنه ليال هجرك منتظرنه
ننادي الغـوث عجل منتظرنه
خذو عمتك على الهزل سبيه
...........
أريد اكتب شعر لجلك وصدره
عـتب كـلمات قـافيته وصدره
حسين الخيل داسته وصدره
الحوافـر ساوته ويه ألوطيه
........
اشتعـل نيـران دلالـي وجمعه
الملم بالحزن عمري وجـمعه
علامات الـدهـر كملن وجمعه
وكـولـن يظهـر الغـايب عليه
...........
الشاعر
أياد الفرح التميمي
.......
زينب مـن تـلوب شمال يمنه
غصت بالبواجي تصيح يمنه
يـريت يصير وترجعـين يمنه
وتشوفين الغـياب أسوه بيه
...........
أنبرد بسمـار البضلعج وشربي
دمعي من الجفن يطلع وشربي
اعوف الزاد من بعدج وشربي
شربت ادموم عالزهرة الزجيه
.........
تقبلونه نصير الـكـم خـدمكم
وجبريل الوحي يمكم خدمكم
معقولة أنسطر شفتو خدمكم
وأبـوكم ربطت أيـده الوصية
........
منـارة شلـون مـا إلـهه قبلها
قـبـل مـا تـولـد البـاري قبلها
وعـين أم الحسـن ربنه قبلها
كفر بالله السطر عين الزجيه
.........
انه اسم النبي حروفه وسطرة
وعمري يضيع بخلافة وسطرة
عذابي يصير بسماري وسطرة
على عيني وضلع مكسور اليه
.......
وحـق الخـالق السبعة عمرها
البتول تموت ما كملت عمرها
إلف لعنة على الظالم عـمرها
كسر ضلع وشعل نار السرية
.......
على باب الحزن اكعد وهيمن
ونوح واجر حسراتي وهيمن
يربي شلون عصروها وهيمن
البضعة فاطمة الزهرة الزجية
..........
يغايب هاك اخذ ثاري حضرته
وثار المنذبح بالطف حضرته
ولليسال على كبري حضرته
اليزور ابني يجي يسلم عليه
........
انه ويه الوحي الباري وصبها
الدهر نيشن بضلوعي وصبها
المصايب نزلت ابكلبي وصبها
ضلع مكسور خله وسطرة بيه
.........
أم حـسـين هــاي انـه ومحسـن
دهري وياي ما منصف ومحسن
عصرني الباب بسماره ومحسن
لفتني يكـول يا يمه المنـية
.............
يفضه جروح عديلي وحسبي
لـربي فـوضت أمـري وحسبي
بسـمار الهشم ضلعي وحسبي
ذبح محسـن يربي بين أديه
.............
ليالي فراك هجرك ضلمني
انه شبعـدك يبويه ضلمني
تعرفة الي شتمني وضلمن
ضربني ومحسن الينغر علية
......
بعد مني النفس من يوم بعداك
وبيش انه اسلي الروح بعداك
حرت بالهم يبويه وحرت بعداك
من هجمو بعد عينك علية
........
تمسك يـبني لا تنزل دخـلك
احس بسمار البصدري دخلك
بشدة وما صحت حيدر دخلك
اذا اصيحن يشك الكون اليه
........
يهنياله الـــمدح فــــاطم ورثها
شعل روحي حزن فكدج ورثها
الكفر غصبوها يا حيدر ورثها
شيكل الله الكسر ضلع الزجية
........
للحوراء زينب "ع"
.........
سبونه خلاف عينك ونسبينه
يجيني البـيـن خـويه ونسبينه
ونموت ويـاك ردنه ونسبينه
ولا يحـدي الـشمـر بيه سبيه
...........
عيني من الدمع هلت منهلاي
وحيدة وماحضر يمي منهلاي
يعبـاس العـذب بعـدك منهلاي
خـلافـك هالنفس يحرم عليه
............
شمر يحرك خيم زينب وجاها
الهي بكسر ضلـع أمي وجاها
تصيح الغـوث يا حيدر وجاها
شحـده اليـاخـذج بنـتي سبيه
.........
الـدموع تفيض مني من شفاها
جروحي بغير شوفه من شفاها
النذل يضرب أخـويه من شفاها
وجـدامي يسب حـامي ألحـميه
.........
العـقيلة ورثت مصايب ورمها
المتون بسوط يضربها ورمها
ومنو الها فـزع بألطف ورمها
يخـلصها مـن أحـبال الـرزية
........
منو ألزينـب يبو فـاضل حملها
وتـشيل اجفـوفه بالشدة حملها
شمر يا وسفه من ردت حملها
وعـلى الهزل يصعـدوها سبيه
..........
لفتي أليالي من بعدك مظلماي
يعباس الشمر ترضه مظلماي
انه بعيني يبعـد أختك مظلماي
وشـوف تصيح عطشانه رقيه
.......
الكمر نصب خيم زينب وشدها
حمل حملات عالحومه وشدها
الشـريعة بجفه شالاها وشدها
ويـمطـرهـا أذا عـطـشت رقية
........
خـلـق ربنه بكًـلب زينب سكينه
الـدهر بجروحها حدحد سكينه
صدك عانت لان عطشت سكينه
شيجيب الماي من وادي ألمنيه
.........
الـوكـت مايـوم للحـرة صفلها
بعـد عباس ياهـو إلـي صفلها
وتريـد الـماي لـكن ما صفلها
وراعـي الجـود وافـته ألمنيه
..........
الجمل واكف صعدته مانخيته
الشمر بعـدك يخـويه مانخـيته
شعجب عباس يدري مانخيته
يشوف بعينه ضل يسبون بيه
..........
يغـايب دمعـة عيـوني سجلها
زينـب بالعـطش محـد سجلها
باجـر بالحـشـر تفـتح سجلها
وتحكم عالسباها وسب رقيه
..........
أبوها الوالي غـيره من ولاها
الأرض مايوم تفرغ من ولاها
الشمر زينب وحدها من ولاها
وأخـوها حسين نايم عالوطيه
........
عبرة الكون يأخذ من عبرته
اخوي حسين فتح من عبرته
ومـا أميز ونينه من عبرته
ويشوف عيون تتفرج عليه
...........
إلك هالكوم جدي من سبوني
سبيت أروح منهم من سبوني
شفت جبريل يلطم من سبوني
يصيح الغوث يا حامي الحميه
..........
عـلينه بـنار شـبـوها خيمنه
ولا واحـد بقى منهم خيـمنه
فـزعـنه بليل عالجثه خيمنه
نصيح الغوث آه يبن الزجيه
.........
انه المثلي أخوها ما تخونه
تنفذ كـل وصيـته ما تخونه
صحت بعماق كلبي ماتخونه
بالطـف والحجاب يلوذ بيه
.........
اشكي المن هضم سبيي وجتفي
وظهـري سيـاط ورمـنه وجتفي
حـبـال مـربـطه أبـأيـدي وجتفي
انخلع مني ألعـده يجـرون بيه
...........
اشتعل كلبي على فكدك وجربي
جـفـوفك مابقت عندك وجربي
ويجر بيه الشمـر يمك وجربي
واسمعه يكول هاي أختك سبيه
...........
بت من يندب انه مـا نختمن
علي مرن مصايب ما نختمن
وتعرفـني النوايب ما نختمن
أخت عباس انه الهاشمية
........
تعـب عـباس كـلبي موتهنه
وتره بموتك يخويه موتهنه
انتهت منك حـياتك موتهنه
أصير خلاف عينك خارجية
........
علي الاكبر "ع"
........
هـرش كلبي بغيـابك ذيل عوده
يالـكـبر روحـتـك لـو إلك عوده
شفت حسيـن لمن حضن عوده
أحس ارض وسمه طبكن عليه
.........
نهـاري ابفـركـتـك اظلـم وليله
اخـذ مني النـفـس بعـدك وليله
يصـيح حـسيـن ادعـيـله وليله
دعـيـت الله يـرد ابـني عـليه
.........
للعليله "ع"
..........
انه المـاشفت هـدنه وراحات
عليلة المرض حتني وراحات
عـمت عيني يخواتي وراحات
خوله وفاطمة وسكنه ورقية
..........
أبـوي الـراح عـني ودعيته
عمري إخلاف عينه ودعيته
ادعـي الغـوث ربي ودعيته
يـردك يـالابـو سـالم عـليه
........
احتـقن دمعي بعيـوني ولأهـل
عسه نورك صبح مظلم ولاهل
وحـدي ولا أبـو عندي ولا هل
شتهل يهلال هل موتي عليه
.........
أم البنين عليها السلام
..........
طحن روحي صبر كلبي وفتها
الزجية الطاهرة ألزهره وفتها
المنية شلون اجـت ليها وفتها
هضمها حسين والماتت سبيه
.......
هدم روج الدمع عيـني وسدها
عـلى أبني كـمر هـاشم وسدها
جفوفه شلون عالغبـره وسدها
لمن زينب سباها ابن الدعيه
........
الإمام المهدي عج
...........
انتظرنه سنين لـكن منتظرنه
تضرنه ليال هجرك منتظرنه
ننادي الغـوث عجل منتظرنه
خذو عمتك على الهزل سبيه
...........
أريد اكتب شعر لجلك وصدره
عـتب كـلمات قـافيته وصدره
حسين الخيل داسته وصدره
الحوافـر ساوته ويه ألوطيه
........
اشتعـل نيـران دلالـي وجمعه
الملم بالحزن عمري وجـمعه
علامات الـدهـر كملن وجمعه
وكـولـن يظهـر الغـايب عليه
...........
الشاعر
أياد الفرح التميمي
تعليق