تويت
ليلة الحادي عشر
اشْلون ليله ليلة الحادي عَشَر
خيّم الضيم اعلى زينب والقَهَر
ليله سوده امْوشّحه ابدمٌِ الرسول
بيها زينب صابْها سَهْم الدَهَر
صابْها او صوّب گلبْها ابلا خجَل
او هيّه بت المصطفى سَيْد البشر
عودها الكرار حمّاي الدخيل
ايخاف منّه الموت وايْهابه القَدَر
وامْها بت الهادي سَيْد المرسلين
الْخالْقَه الرب گبُل لا يخلق الذر
فاطمه او من نورها أزهر الكون
والشمس منها سناها والقمر
ايصير بت الشرف والعز والدلال
اتعيش عگب الخِدِر بالذل والكدَر
هاي بت حيدر علي داحي الباب
اخوَتْها راحَوا والدهَر بيها غدَر
غدر بيها الدهر من طاح الحسين
عز بني هاشم او عنوان الفخَر
بَعَد ما شرّف الدنيا ابنَهْضِتَه
او صار للأحرار قدوه او مفتخَر
خان بيها الدهَر من طاح الكفيل
او ظلٌت اچفوفه على شاطي النَهَر
بعَد ما وفّى لابو اليمه العهود
او للاخوّه الصادقه نفسَه نِذَر
صال صولات الوصي يحصد الروس
حتى مَلْك الموت من عدّه انبهر
غدر بيها الدهر والاكبر وگع
گطّعَوا بسيوفهم جسمَه وِذَر
من طَلع جسّام عن عمّه يِذود
بالسيوف الغادره راسه انطبر
من طلب ماي ابو اليمه للرضيع
ابْسهَم ماضي حرمله گص له النحَر
حُرمَوا الاطفال من شربة الماي
والفرات الْفاطِمه الزهرا مَهَر
طاحَوا اشبول الهواشم والانْصار
فدَوْا بالروح الحسين امْن الخطر
زينب الليله وحيده ابكربلاء
يلعب اعلى امتونهم سوط الشمر
وين سبع الگنطره او راعي العلم
اشعجب ما واصلّه من زينب خبر
ما درى باخْتَه العقيله امّ الخِدِر
ابحَرَم ساحتْها الدهر صال او عثر
چلچل الليل اعلى زينب والحرم
امن الهضُم حسراتْها اتفَجْر الصخَر
اتصيح يا زينب يبت حامي الحمه
وين نطّي الوجه لا وين المَفر
والاطفال اتلوع واتصيح العطش
تنتظر يرجع او يسجيها الگُمر
باتت الليله الفواطم بالعراء
بس ظلام الليل صار الها ستر
وين غاب الليث عن وادي الطفوف
ايشوف زينب ما بقى عدها صبر
گوم يا حامي الدخيل الكربلا
بتّك الْجَيْتك تراها تنتظر
اتريد ابوها ايصول صولات الهرير
يقلع الشجره الخبيثه امْن الجَذِر
بويه ذكّرْهم ابسيفك ذي الفقار
ابخيبر او باحْنين وابْأحْد او بَدر
اتكالبت بويه علينا الطّلَقاء
بــاچـر ايْوَدّون بتٌك لـلـيـسـر
بويه وصّي احسين وانته بالغَرِي
خَلْ يِوَدّي اويانا بس چف الگمر
بويه اريد الچف حرس للعايِله
او من ابو فاضل فلا اقبل عِذِر
حتى من يتجاوز اعلينا يزيد
ابچف ابو فاضل على الخد يِنسطر
***
اشْلون ليله ليلة الحادي عَشَر
خيّم الضيم اعلى زينب والقَهَر
ليله سوده امْوشّحه ابدمٌِ الرسول
بيها زينب صابْها سَهْم الدَهَر
صابْها او صوّب گلبْها ابلا خجَل
او هيّه بت المصطفى سَيْد البشر
عودها الكرار حمّاي الدخيل
ايخاف منّه الموت وايْهابه القَدَر
وامْها بت الهادي سَيْد المرسلين
الْخالْقَه الرب گبُل لا يخلق الذر
فاطمه او من نورها أزهر الكون
والشمس منها سناها والقمر
ايصير بت الشرف والعز والدلال
اتعيش عگب الخِدِر بالذل والكدَر
هاي بت حيدر علي داحي الباب
اخوَتْها راحَوا والدهَر بيها غدَر
غدر بيها الدهر من طاح الحسين
عز بني هاشم او عنوان الفخَر
بَعَد ما شرّف الدنيا ابنَهْضِتَه
او صار للأحرار قدوه او مفتخَر
خان بيها الدهَر من طاح الكفيل
او ظلٌت اچفوفه على شاطي النَهَر
بعَد ما وفّى لابو اليمه العهود
او للاخوّه الصادقه نفسَه نِذَر
صال صولات الوصي يحصد الروس
حتى مَلْك الموت من عدّه انبهر
غدر بيها الدهر والاكبر وگع
گطّعَوا بسيوفهم جسمَه وِذَر
من طَلع جسّام عن عمّه يِذود
بالسيوف الغادره راسه انطبر
من طلب ماي ابو اليمه للرضيع
ابْسهَم ماضي حرمله گص له النحَر
حُرمَوا الاطفال من شربة الماي
والفرات الْفاطِمه الزهرا مَهَر
طاحَوا اشبول الهواشم والانْصار
فدَوْا بالروح الحسين امْن الخطر
زينب الليله وحيده ابكربلاء
يلعب اعلى امتونهم سوط الشمر
وين سبع الگنطره او راعي العلم
اشعجب ما واصلّه من زينب خبر
ما درى باخْتَه العقيله امّ الخِدِر
ابحَرَم ساحتْها الدهر صال او عثر
چلچل الليل اعلى زينب والحرم
امن الهضُم حسراتْها اتفَجْر الصخَر
اتصيح يا زينب يبت حامي الحمه
وين نطّي الوجه لا وين المَفر
والاطفال اتلوع واتصيح العطش
تنتظر يرجع او يسجيها الگُمر
باتت الليله الفواطم بالعراء
بس ظلام الليل صار الها ستر
وين غاب الليث عن وادي الطفوف
ايشوف زينب ما بقى عدها صبر
گوم يا حامي الدخيل الكربلا
بتّك الْجَيْتك تراها تنتظر
اتريد ابوها ايصول صولات الهرير
يقلع الشجره الخبيثه امْن الجَذِر
بويه ذكّرْهم ابسيفك ذي الفقار
ابخيبر او باحْنين وابْأحْد او بَدر
اتكالبت بويه علينا الطّلَقاء
بــاچـر ايْوَدّون بتٌك لـلـيـسـر
بويه وصّي احسين وانته بالغَرِي
خَلْ يِوَدّي اويانا بس چف الگمر
بويه اريد الچف حرس للعايِله
او من ابو فاضل فلا اقبل عِذِر
حتى من يتجاوز اعلينا يزيد
ابچف ابو فاضل على الخد يِنسطر
***
تعليق