عاشت خطوات المشــــَّـــــايه
(عكيلي ) بقلمي
عاشت خطوات المشــــَّـــــايه ..... بيد الروح وبـــــــــــــيد الرايه
*****
حسيـــــن يـﮔرُّب ليها الخطوه ..... وينطـــــــيها الكرار شتهـــوه
بصيحة ياحيــــــدر تتـــقوه ..... وعباس يروِّيــــها بمـــــــــــايه
*****
خطواتِ الباري يزكــِّــــــيها ..... وللنـــــــــهج الصالح يهــــــديها
الشيعي شما طالت يمشــــيها ..... وحب آل المرســــــــــول الغايه
*****
عاشت خطـــــــوات الثوريه ..... تهتف بالصــــــرخه الحـربيه
تمشي لمشــــــــروع الحريه ..... حسين وأصحــــــــابه الوفـَّايه
******
صوت المــدفع ميخـــــوُّفها ..... لون المـــــــوت نخط بـﭼفها
حار الشاعر شيوصـــّـــــفها ..... نصبت للإســــــــــلام الثايه
******
يلماشـــــين اخذوني وياكم ..... بدرب حسين الماينـــــــساكم
خاب الملعون العــــاداكم ..... بس ابليس الماخــــــــــذ رايه
*****
عسكر زاحف يحمل فكره ..... وتاريخ الانـــصار يسطره
وباﭼر للموعود ينـــــــصره ..... وبدرب الحـﮒ يكتب آيه
خليل الزبيدي
تعليق