إعـــــــلان

تقليص
لا يوجد إعلان حتى الآن.

ُرُقَـيَّه

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ُرُقَـيَّه

    رُقَـيَّـه
    زينب باليِسُر نُصْبَت عَزِيَّه
    اتْريد اتْوَدِّع الليله رُقَيَّه
    عزيزة گَـلْب الْحْسين
    أَخَذْها منهـم الـبـيـن
    واهَلْها امْذَبَّحَه بالغاضِريه
    ***
    زَهْرَه اتْفوح من عِدها الرياحيـن
    ما جــاوز عُـمُـرها أرْبَـع أسنـيــن
    حفيدَةْ فاطِمَه اوْ سَيْد الوَصِيِّين
    أسيرَه اتْروح للشام
    بِـت اركان الاسْـلام
    اوْ جَدها المُصطفى خَيْر البَرِيَّه
    ***
    طِفْلَه اوْ ما تِنام اوْ تِغْفَه بالليــل
    واهَلْـها ابْـكربلا كلهـم مِـچاتـيـل
    بَعَدها امْذَعَّرَه من هَجْمَة الخيل
    سَنابُكْها ارْعُبَتْها
    وابْعَجْها عِمَتْـها
    من وُصْلَتْ اخْيام ابْنِ الزِچِيَّـه
    ***
    خَـذوها اوْيا الظَعَن للشام اسـيره اشما تِـبْـچي تِظِل زينـب ابْحِيـره
    تِنْشِدْها اعْلى والِـدْها اوْ مَصـيـره
    چـا يَمْتَه يِجـينــا
    الْسَفَر طَـوَّل علينا
    يَعَمَّه غَيْبِتَه صَعْبه عليَّه
    ***
    الْظَعَن يمشي اوْ أمامَه راسْ الْحْسين
    فـوگ الرُمَـحْ وايْصِـد لَاهْـلَـه بـالعـيـن
    يومِـي الْـزيـنـب ايْگِـلْـها اشْـتِـريـديـن
    خافْ اتْغِثْكـم الناس
    حَشْمِي راسْ عباس
    يِحْرِسْكم ولو بَعْد المِنِيَّه
    ***
    صَـدَّوْاْ لـلـرُمَـح بــالـگـاع نــابـِـت
    والـراس الـمُـقَّـدَّس فـوگَه ثـابِـت
    أثاري امْن الظَـعَـن فاجِد إِلَـه بِـت
    يِِــتْــفَـگَّــد بـالْـعْـيــال
    واعْيونَه اعْلى الاطْفال
    يَزينب بالظَعَن مامِش رُقيَّه
    ***
    أشـار إلْـهُـمْ عَلي دَوْرُوْا عَـلـيـهـا
    تَرَه الراس الْـمُـقَـدَّس يِصِد لِـيـها
    جٓابـوهـا بِـحْـبـال امْـچَـتِّـفــيـهـا
    دَمِعْـها فوگ الْخْدُود
    وامْـوَرْمـات الْـزْنُــود
    بِسْياط الطُغاة اعْلوج أُمَيَّه
    ***
    او نِزلَت ويّـا اهَلْـها ابْـخَربَة الشام
    اتْـوِن امْن التَعَب بَسْ رادَت اتْـنام
    فَـزّت تِصْـرخ اوْ تِـلْـطُم على الْهـام
    ابُوي احْسين اجاني
    يَعَمَّــه اوْ قَـبِّـلانـي
    اريـد اليوم ابُوي ايْرِد الِـيّه
    ***
    نـاحَـن بــالـخَـرابَــه الـفـاطِـمِــيّــــات
    اوْ رُقيّه تِـنـحَب اوْ تِجذِب الحَسْرات
    اوْ زينب تِـلْـطُـم اوْ تِسچب الـعَـبْرات
    تِـگِـلْـها يالْحَـبـيـبَه
    أبُوچ امْنين اجيبَـه
    رِحِتْ وَيّاه لَوَن يِحصَل بِدَيَّه
    ** *
    سِمٌع صوت النِحيب المُجْرِم ايْزيد
    نِـقْـلـولـَه الـخَبَـر گالولَه شِـــتْـريــد
    وَدّا راس ابُــو الـيِـمّـه الصــنـديــد
    حَرَگ گَلْب الفواطم
    ظـالـم وابِن ظـالــم
    مِن وَدّا الْـها راس ابْن الزجّيه
    ***
    شُبْگَـت راس ابُـوها او گامَت إتْـنـوح
    ابِْـلَهْفَه والدَمِــــع عَلْ وَجِن مَـسـفـوح
    يبويه احْسين گوم اوْ شوف الْجْروح
    ضُربوني اعْلى مَتني
    اسْــياط اوْ ألِّمَـتـنـي
    وآنا امْچَـتِّـفَـه اوْ عِدهُم سِبيَّه
    ***
    يا هـو الْـخَـضُّـبَـك يا بويَه بِدماك
    اوْ ياهو اللّي تِجاسَر ليك ذِبحـاك
    يٌبويَه احْسين اخِذْني اليوم وَيّاك
    تِـلاگَوْا بَـعَـد غـيـبَـه
    مَحبوب او حَبـيـبَـه
    اتْريد امْن الأُبُو قُبْلَه نَدِيَّه
    ***
    شِهْگَت وانْگِطَـع كل نَـفَـس بـيــهــا
    اوْ عَلي أشَّر الْـعَـمْـتَـه او يِحاچيها
    عَـن راس الـولـي عَـمَّـه ارْفَـعِـيـهــا
    بَعَد ما تِگدَر اتْگـوم
    طاب الْها تَـرَه النوم
    يَـعَـمَّـه المـوت حَلْ بِخْتي رُقَيَّه
    ***
    واجَـتّ امْـغَـسَّـلَـه اتْغَسِّل رُقَيَّه
    گـالَت مـا أغَـسِّـل هَـل ابْـنَـيَّـــه
    مَريضه والمَرَض يوصَل لِـدَيَّــه
    طِفلَه ابْعُمْــر الْوْرود
    شُوفُو امْتونْها سُـود
    أخاف امْن المَرض تِلْحَگْني اذِيَّه
    ***
    الْعَقيله اتْـگِـلْـها بِـتْـنـا غَـسِّلِـيـهــا
    سَليمَه اوْ كل مَرَض ما مار بـيـها
    هـاي اسْــيـاط أمَــيَّه امْوَرِّمِـيـهـا
    أظنِّچ عيب تِدرين
    هاذي بِتّ الْحْسين
    اوْ جَدْها المُرتَضَى حامي الحَمِيَّه
    ***

  • #2
    اللهم صل على محمد وال محمد
    احسنتم ويبارك الله بكم
    شكرا لكم كثيرا
    مأجورين

    تعليق

    يعمل...
    X