تويت
يبو صالح وينك --- كلنه منتضرينك
تحضر بسوح القتال --- ننتضر جيتك تعال
كلنه منتضرينك
___________________________
بسمك الغالي علينه -- كل عمرنه نفتخر
ننتضر جيتك تجينه -- من تجينه ننتصر
يبو صالح لاتطول -- لا تخلنــــه ننتضر
ظلمه دنيانه ومعتمه -- بسيفك يطر الفجر
الفجر بضهورك -- ساعه يشع نورك
ياشمسه بلا زوال -- ننتضر جيتك تعال
كلنا منتضرينك
____________________________
يبو صالح والنحبه -- انه حك نعاتبه
حرب متوجره عدنه -- مثل نار الاهبه
بين شيعتكم يمهدي -- وبين هاي الناصبه
شلون ترضاها يغالي -- والقياده غايبه
أنتـــه انتــه القائد -- بأمرك احنــــه نجاهد
تترك الشيعه محال -- ننتضر جيتك تعال
كلنه منتضرينك
___________________________
أحنه محتاجيك دضهــر -- صعب تتاخر صعب
عيونـــــه مناطره الجيـــه -- جيتك تسر الكلــب
عين عالباري بدعاها -- عين تنضر للدرب
جنودك ونهتفلك احنه -- انته قائد للحرب
القياده بايدك --- بالهجوم نريدك
تحضر بسوح النزال -- ننتضر جيتك تعال
كلنه منتضرينك
_______________________________
كوم زم الرايه بيدك -- كوم بعد شتنتضر
جابت امريكه الحثاله -- وين ماواحد قذر
جيوش من داعش اجتنه -- جيوش أجت من كل قطر
سلوا سيوف الضلاله -- ركبو خيول الغدر
عالغدر علموهم -- ضد علي جابوهم
مايعرفون الحلال -- ننتضر جيتك تعال
كلنه منتضرينك
__________________________
موصل وتكريت راحن -- ماتضل فلوجه
نسمع ونين الضحايه -- من قصور العوجه
دجله أحمر كام يجري -- روجه تصبغ روجه
لكمــــة الايتام صارت -- بالدمع ممزوجه
أضهر وصفيها -- هيج لتخليها
يانبع صافي وزلال -- ننتضر جيتك تعال
كلنه منتضرينك
__________________________________
الشاعر
السيد كريم دانه الاعرجي
