ياعلي بعدك يتامه

[عدنان منعم]

ياعلي بعدك يتامه – وقامت علينه القيامه

انته راحل ياعــــــــــلي والنار بيه
الحسن انه يحـــــــــــــــماي الحميه
شلون بينه ياعلي بهاي المــــــــسيه
حسين صاح اليوم صارت غاضريه
القدر جرد حسامه – وقامت علينه القيامه

الدار وحشه ورادتك انته ضواها
الروح تتنفـــــــس علي انته هواها
روحتك بس ونه هالصارت وراها
تصيح زينـــــب ياعلي وينك نداها
الليل عكبك ماانامه – وقامت علينه القيامه

شلون طولك مانــــشوفه يالحبيب
جروحـــنه بدونك تظل بلاطبــيب
اليكصدك ياعلي لامايخــــــــــيب
محلفك بزينب ترد من المغـــــيب
الليل هاالجلجل ظلامه – وقامت علينه القيامه





جلجلت دنيانه بهــــــــــــموم الغيوم
ومومطر كامت صفت تمطر دموم
اليوم بوم الغاضــــــــريه ظل يحوم
وللحســــــــن حظرو هاليله السموم
بس نظل معنى الكرامه – قامت علينه القيامه

اليوم عباس الكــــــمر ذب الجفوف
اليوم مسبيه الحرم بارض الطفوف
اليوم من زينب صـــفت دم الجتوف
اليوم بالدنيه بزع اعظم خــــــسوف
اليوم عالدنيه السلامه – قامت علينه القيامه

ماترد يابو الحـــــــــسن كرب العيد
والدمع بعدك يبو الحـــــــــمله شيفيد
نريد شـــــــــــوفك ياعلي احنه نريد
بالحزن نبكه يبو الغـــــــــــيره نعيد
بدونك اولادك يتامه – قامت علينه القيامه


خادم الحسين عدنان منعم

[عاشقة منتظرة]

ياعلي بعدك يتامى...طيب الله انفاسكم