يساعد الله ﮔـليب زينب من وﮔـع حامي الحمه
وسال بالمحراب دمه وضجت املاك السمه
*******
يساعد الله الحرة لمن شافت الوالي جريح
نشطر بالمحراب راسه وبالصلاه دمه يسيح
والملك بالسمه السبعه وبعلو صوته يصيح
نهدمت اركان الهداية والمساجد مظلمه
*******
نفصمت العروة الوثقى وغاب بدر الموزمات
عـﮔب ابو حسين المشكر والله ماتحله الحياة
هذا ﭽـساي اليتامه الـﭽـانت بعزة تبات
ﭽـان حامل جود برها وجودها بيوم الضمه
*******
من هو يحمي العدل بعدك من يعلم المؤمنين
من يشيل حمول عنها ومن يذل الكافرين
من بعد عقد الولاية الشيعه رافـﮔـها الأنين
ورافڱ الاحزان كلها اليوم عترة فاطمة
*******
ليا بدر تـﮔصد الشيعه ولمن تزور الوفود
وبيمن الديوان يضوي والمن تقدم العهود
ولمن ترف الرواية يامذل حصن اليهود
ومنهو للظالم يجيبه وبالكتاب يحاكمه
*******
حسن وحسين واخيهم ذاك عباس الـﭽفيل
شالو الكرار والدم من جرح راسه يسيل
وﮔـام من الجرح حيدر عن ﭽتف ولده يميل
وﮔـال نزلوني يولدي وصاحو العين تعمه
*******
ليش ياشمس الغوالب رايد تعوف الـﭽتوف
بالمهج نفديك يابه ونرخص الدم والـﭽفوف
وﮔـال بالباب العقيله وخايف لحالي تشوف
بالله نزلوني يولدي بداعة امكم فاطمة
*******
هذا ابو الحسنين حاله شلون حال ابنه الغريب
ذاك ابو السجاد يوم الحرمله لنحره يصيب
تحاوطه العدوان كلها والظعن أصبح سليب
وبالحقد نيران اميه بخيم زينب مضرمه
*******
يساعد الله ام المصايب ياعلي بهذا المصاب
يوم بدر الدين ودع عيلته والدين غاب
نطعن بسيوف الرذيله وهوه فتاح الابواب
هوه راعي الفخر والعز والكرم والغانمه
*******
خليل علي الزبيدي
1994م
تعليق