إعـــــــلان

تقليص
لا يوجد إعلان حتى الآن.

🌺حسين مو عاشر ويوم الاربعين .. حسين منهج درسوه للمؤمنين .. 🌺

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • 🌺حسين مو عاشر ويوم الاربعين .. حسين منهج درسوه للمؤمنين .. 🌺

    حسين مو عاشر ويوم الاربعين ..
    حسين منهج درسوه للمؤمنين ..
    حسين لا تمشي بطريقه
    وانت غاطـس بالحــرام

    حسين مـيريد اليجيلــه
    وهوه ماعنـده التـزام

    حسين مو نوح وبچـي
    وحسين مو بس بالحچي
    وحسين مو ياهو اليجـي

    حسين كون بدربه تمشي
    ودربه مو قصدي المسير
    حسين كون تصير مثلــه
    ومثل انصــاره تصيـــر
    حسيـن لا تمشيلـثه زاير
    وانت ماعنــدك ضمـــير
    حسين لا تلهــج باسمـه
    وانت ماتساعــد فقيـــر

    انت تعرف ياحسين شتعني هاي ؟
    هاي معناها صلاتك لاتفوت
    هاي معناها زكاتك لاتموت
    هاي معناها اعله امك… ابد لا ترفع الصوت

    حسين مو عاشر ويوم الاربعين
    حسين منهج درسوه للمؤمنين

    حسين عِبرة وعَبرة للناس اجمعين
    خلي زينب قــدوتج خلي الرباب
    لا تجين حسين وانتي بلا حجـــاب

    خلي بالج من تجين الكربله ..
    حسين ميريدج تجين مكحله ..
    لبسي روحج والعقل لبسي عفاف
    حسين يستاهل تجيله معدله ..
    وللماعرف خل ينتبه شنهو الحسين

    حسين مو عاشر ويوم الاربعين
    حسين منهج درسوه للمؤمنين

    حسين عِبره وعَبره للناس اجمعين
    كون تفهم شنهي عاشر
    وقبل لا تحيي الشعاير
    سوي ثوره اعله الضماير

    وكلمن يحاسب ضميره
    ويترك الدنيا الگصيره
    ويرجع لربه واميره
    ونمشي كلنه بگلب صافي ..
    واوصل لشبَّاچه حافي ..

    وابچي من كل گلبي يمه
    واتوسد اتراب ابو اليمه

    واخذ مرادي بخشوع
    وانجوي بذرف الدموع

    طب لحسين بگلب صافي بهواك ..
    وعوف كل الدنيا مذبوبه وراك ..

  • #2
    احسنتم ياشاعرنا المبدع عاى هذه القصيده التي اقرب ان تكون منهج يسير عليه محبي اهل البيت والامام الحسين سلام الله عليه وجعل ثواب هذا العمل في ميزان حسناتكم ووفقكم للسير على طريق ابو الاحرار وثبتكم على الولايه اخي العزيز الحقوقي ليث الاسدي ودمتم

    تعليق

    يعمل...
    X