الك يابو حسين

[حميدة العسكري]

الك يابو حسبن تجري دموعنه
ولاتظن باللطم يبرد روعنه
**********************
حگــــــــنه لو زدنه اللطم وي النياح
لان مـــــيزان الـــعدل هالـــيوم راح
من الحزن اسود صفا وجــه الصباح
وظلمه صارت بالمصاب ربوعنه
*********************
ظلمه ياحيدر علينه الصبح صار
واظلم من اليل ساعات النــــهار
وانت سابح بالدمه والسيف حــار
وتشب نار السيف حدر ضلوعنه
********************
اخ يانار المـــرادي الصابـتــك
هيه نفس النار حــرگت خيمتك
وبنفس سيف الفطرها الهامتك
هد اصول الدين ويه افروعنه
******************
هــد فروع الدين والشرع الحنيف
وسنة الهادي النبي الحق الشريف
يلي صدرك صار للوادم مضيف
رايد بـطبرك يـفرگ جموعنه
********************
رادوا يـــنالون مــن حــــبنه الــك
الشيعي فدوه وكل هله وكل ماملك
مانزل عن دربك الي زل هلك
والگلوب مسبله عله دروعنه
*******************
شلون نترك دربك وعـــنك نحيد
وانت اقرب النه من حبل الوريد
يلي اسمك عالشفه صاير نشيـــد
لان ندري بس الك مرجوعنه
******************
فدوه دمع العين الك فدوه الصدر
وكون دم الهامه ينزف بالطـــبر
نرفض التفويض بيك وي الجبر
امر بين البين الك مشروعنه
********************
اسالكم الدعاء لي والوالديّ
خادم اهل البيت
حلمي السعد

[صدى المهدي]

اللهم صل على محمد وال محمد
احسنتم ويبارك الله بكم
شكرا لكم كثيرا
اعظم الله اجورنا وأجوركم