ابوذية الامام الصادق

[اياد الفرح التميمي]

عليك الحزن أعلن حزن حزناه
بعـدك احنه بس الحزن حزناه
كون السيف هذا اليوم حزناه
وأمـوت ومـا يمر موتـك عليه
.....
الشاعر
اياد الفرح التميمي

[ابو عمار المياحي]

الحزن خيم علي بجفاك والهم\\ودكن بالصبر مافاد والهم\\عذرت كلمن جزع بالهوى والهم\\لان فركاك حيل اثرت بيه\\\\\شكرا لك شاعرنا المبدع \اياد الفرج التميمي​\\على هذه الابوذيه الرائعه وجعلكم الله من السائرين على نهج اهل البيت سلام الله عليهم

[الأزري]

عظم الله أجوركم وسددكم المولى لكل خير

[اياد الفرح التميمي]

علوم المعرفة الصادق علمها
أبو فاضل رفع بالطف علمها
وزينب بالحزن تبجي علمها
ولصادق بجت هاي المسيه
........
الم فكدك يبو الكاظم هدمنا
ليل اظلم صبح بينه هدمنا
يهادينه هدى أبونه هدمنا
يجعـفر يا إمام الرافـضية
........
عالم بالفلك والطب والإحياء
إمام وتعـلم الماتو والإحياء
أموت بحبـك أتمنه والإحياء
باجر بالحشر انته الهوية
.......
يجعفر يا أبو المذهب يصادق
منو باجر على صكنه يصادق
الملك رضوان للشيعة يصادق
لان جـنة عـدن للجعـفرية
......
عليك الحزن أعلن حزن حزناه
بعـدك احنه بس الحزن حزناه
كون السيف هذا اليوم حزناه
وأمـوت ومـا يمر موتـك عليه
.....