غاب نور الجعفريه

[عدنان منعم]

عدنه صارت غاضريه – غاب نور الجعفريه
راح وياه الامل – الصادق وبدره افل
مثل جده الحسن مسموم الصادق غابت انواره

الصادق علم رب الكون وابد ماخافيه اسراره
ولون رايد دليل انطيك الكاظـــم عنده تذكاره
مضـــــــرب مثل مولانه وتزخر باالعالم داره
بس الم هاي المسيه – غاب بدر الجعفريه
مات ابن خير العمل – الصادق وبدره افل

ظالم حاقد المنصور سم بعملته الصــــــــادق
هذا ابن النــــــبي الهادي ودومه بالعدل ناطق
جبل محد وصل حــــــده عالي وباالفخر شاهق
مو حاله وتروح بســــــاع انته بكل فكر عالق
وتد ثابت عالوطيه – غاب بدر الجعفريه
علمك اليمحي الجهل – الصادق وبدره افل

المعاجز عندك هوايه وســـــيف الظالم الشاهد
يلوح بسيفه كل لحظه انرعب شاف النبي كاعد
اكيد المصــــــــــــطفى وياه وابد عنه فلا باعد
الصادق والعمر سبـــعين وابد ماهزه كل حاقد
شبل حماي الحميه – غاب بدر الجعفريه
المذهب بعلمه اكتمل – الصادق ونوره افل
مدارس للعلم اســــس المذهب يفتخر بااسمه
فكر الباقر بدمه وعزم المــــــصطفى عزمه
تجاوز عمره السبعين والمـــــــنصور ماهمه
اسد جنه علي الكرار وباقي بكل كلب رسمه
تون كل الرافضيه – غاب بدر الجعفريه
للعلم هوه كفل – الصادق ونوره افل

مثل حســــــــــين ماهمك ظلم ماهمتك عدوان
الصادق والنبض حيدر واصبح كعبة الاحــسان
بصـــــــبره وعزته وفكره داس بزود عالطغيان
وحياته الطاهره انختمت واصـــــبح للعدل قربان
الونه صارت حيدريه – غاب نور الجعفريه
لنصرة المذهب عمل – الصادق ونوره افل

خادم الحسين عدنان منعم