لتغمس كلام العسل بالسم

[مصطفى ابن ذي قار]

لتغمس كلام العسل بالسم
ولا تخلط كلام الهزل بالجد


+
ولا تفعل فعل واتعود تندم
ولا تأمر ابشي اوتعمل الضد


+
واضح صير .. في دنياك تسلم
والواضح ابكل مجتمع يحمد


+
وكلامك كبل لا يخرج من الفم
تاكد من رصاصه خاف يرتد

+
حذاري اتكله وسط المجتمع .. كم
اخوك .. اللي يجي ويمد الك يد
+
والكاصد البيتك .. يجي ايسلم
حرام اتقابله بالجفه وبالصد

+
اعرف مقدمك .. من حيث تقدم
حرام اتصير بين الجزر والمد
+
واخوك التربطك بي رابطة دم
كيف ايصير الك .. واتصير اله ند

+
لتشد بالحبل كل وكت .. تنذم
وارخيله الحبل لو صاحبك شد
+
اعمل طيب , يا صاحب .. تعلم
لان الطيب مثل النهر يمتد

+
جرب صاحبك .. ما راح تندم
وشوفه انجان صاحب طيب ينعد

+
لا تمدح بشر .. تحتاج للذم
وتحتاج الجفه .. من يذبل
الود
+
ابني .. ولا يغرك فرد يهدم
لانك بالبناء , اتقدم
الرد
+
اترك للقا .. فتحات للشم
لتخلي الطرق للصلح تنسد

+
تحزم بالكرم .. لو ردت مغنم
الكريم ايحكله بين الكوم يعتد

+
الكرم مذكور بالتاريخ منجم
الحواه امن السعيد ايصير اسعد
+
اذا تنخه الكريم , ايكول : تكرم
وعين ايصير الك.. ويصير الك خد

+
واحذر من بخيل الطبع .. يا عم
تراه بالضيج , والكلفات يرتد

+
فرق ما بين اليفرق .. وليلم
مثل الفرق بين الحقد والود
+
ارحم كالت الامثال .. ترحم
وانجد بالعسر والضيج تنجد

م

[امال الفتلاوي]

اللهم صل على محمد وال محمد

ما شاء الله على هذا الابداع

احسنت اخي الكريم بورك فيك

[مصطفى ابن ذي قار]

اللهم صل على محمد وال محمد

ما شاء الله على هذا الابداع

احسنت اخي الكريم بورك فيك

شكرا لك على حضورك الجميل اختي

[العقيلة زينب]

معاني القصيدة
تربوية أخلاقية
أحسنتم أخي الفاضل

[لوعة فاطمة الزهراء (ع)]

احسنتم
سلمت يداكم بوركتم وبارك الله بكم

[الأزري]

أحسنتم أخي الكريم قصيدة جميلة مطرزة بالوان الهور وطيبة أهله وأصالة عروقه

[ابو عمار المياحي]

بارك الله فيك اخي الغالي \مصطفى ابن ذي قار​\واجدت واحسنت \جعلها الله في ميزان من حسناتك وحشرك مع محمد وال محمد