إعـــــــلان

تقليص
لا يوجد إعلان حتى الآن.

قصيدة بحق سيدي ومولاي باب الحوائج موسى بن جعفر(ع)

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصيدة بحق سيدي ومولاي باب الحوائج موسى بن جعفر(ع)

    السلام عليكم ورحمة الله وبركاته
    اللهم صل على محمد وال محمد
    --++--++--++--++--++
    عله اعتاب الضريح اتدور خطواتي
    ويجتفهه الخجل واتزيد حسراتي


    يجتفني الخجل يابو الرضا ابابك
    واشفاف الحنيـــــن اتقبل اعتابك
    ادري اجفوف عطفك تحضن احبابك
    وحبكم ياامامي عايش ابذاتي


    انه المانسيــــت ابيوم محبوبي
    لجن تذبح فرحتي قسوة اذنوبي
    محتاج ابضريحك اقره مكتوبي
    مخطوط ابحبرمن فيض عبراتي


    عبراتي تهل من كثرة اوزاري
    ميزاني ثكل وانكشفت اسراري
    يالجاهك جبير وبيه رضه الباري
    وبيك اتوسل ويقبل مناجاتي


    مناجاتي ابعظيم اذنوبي محجوبه
    واجيت لباب جودك روحي مسلوبه
    انه اترجه الشفاعه واعلن التوبه
    بلجي من الصحايف تمحي ساياتي


    الك يابو الجواد الروح ملهوفــــــه
    تشم عطر الضريح اتريد واتطوفه
    حلم هذا وتمنــــــت سيدي اتشوفه
    وعله اعتاب الكبر اسجبهه دمعاتي


    دمعاتي تسيل وتجـــــرح الوجنات
    علي جار الدهر ومخالف الطعنات
    ياباب النجاة ومطلب الحاجات
    اعرض يم ضريحك هاي حاجاتي
    اعرض حاجتي واشجي هظم حالي
    وادري اليعتنيلــــــــك مايرد خالي
    وعفت يم الضريح اهمومي وامالي
    وباصوات الدعاء اتفيض جلماتي


    جلماتي الحزينـــــــه اتهيج المجروح
    مطويه صحفهه والقلــــــــــم مذبوح
    جسد رايح واعوفن بالضريح الروح
    وانته التعرف ابمضمون غاياتي


    يااهل النبـــــــــوة وتوأم القرآن
    ياباب الشفاعه وملجئ الحيران
    الما يهواكم ابيوم الحشر خسران
    وخدمتكم صفت اعظم هواياتي
    التعديل الأخير تم بواسطة خادمة الحوراء زينب 1; الساعة 29-08-2015, 11:02 PM.

  • #2

    تجليبة رائعة سلام الله عليك ياراهب بني هاشم

    أحسنتم

    تعليق


    • #3
      احسنتم وبارك الله فيكم على هذه القصيده الرائعه اختنا الفاضله\خادمة الحوراء زينب1\وجعلها الله في ميزان حسناتكم وابقاكم لخدمة مذهب اهل البيت سلام الله عليهم ودمتم بحفظ الله ورعايته

      تعليق


      • #4
        السلام عليكم ورحمة الله وبركاته
        اهلا وسهلا بأخي الفاضل ابو امنة احسن الله لنا ولكم
        جزيتم خيرا بحق باب الحوائج موسى بن جعفر

        تعليق


        • #5
          اللهم صل على محمد وال محمد
          جزيل شكري وتقديري لكم أخي الكريم(ابو عمار)مروركم اسعدني
          أمنياتي لكم بدوام الصحة والعافية

          تعليق

          يعمل...
          X