قصيدة بحق باب الحوائج موسى بن جعفر(ع)

[خادمة الحوراء زينب 1]

السلام عليكم ورحمة الله وبركاته
اللهم صل على محمد وال محمد
++**++**++**++**++**
يسجان السجن لا لا تسد بابه


اجتي امواجهه للكاظم احبابه
------
يسجان السجن فك بابه وتأنه


عزيز وغاب لارد كل خبر منه


دورنه السجون ابكل كتر عنه


مدري بياسجن وينام بترابه
--------
مدري ابيا سجن بالبصره لو بغداد


وبقيد الحديد وقسوة الجلاد


هذا ابن النبي وللناس باب امراد


والوادم الداره أتقبل اعتابه
---------
ياسجان عدنه امواجهه و ياه


غالي الكاظم وبلچن صدگ نلگاه


هاي اسنين غاب وما بعد شفناه


وصعبه اعله العزيز ايطول اغيابه
------
بلچن نطمئن لو ننظر الوضعه


صدگ محروم حتى من ضوه الشمعه


ياسجان يشتم الهوه طلعه


جبنه افراش اله ويبدل اثيابه
----------
ياسجان خاف ابسجنه يتألم


وبساگه الحديد او يجري منها الدم


صبر امينن ظل بالكاظم اتهدم


ذنبه اشچان خصمه للسجن جابه
-------------
ياسجان ذنبه اشچان مترحمه


مو هذا الزجيه فاطمه امه


حجبته شلون هاي اسنين وتظمه


شمسوي ذنب ينحبس وطلابه
----------
شمسوي ذنب كل ذنب ماعنده


مو هذا غريب ابغربته وحده


بس لتگول بالسم مردَو چبده


مو هال دنيه كلها الكاظم اتهابه

[خليل علي الزبيدي]

أحسنتم وبارك الله بكم

[ابو عمار المياحي]

ماشاء الله ثبتكم الله على الولايه وبوركتم غاليتنا الاخت الفاضله\خادمة الحوراء زينب1\