تويت
يَلْ ﮔـاصد احسـين ابحزن
والْدفنه تتـعنّى
من حـﮕـك اتنوح و تِوِنْ
لـمّن تدفنـنّه
ودمعك يسيل
=+=+=
يـمَنْ رايـد تجيْ وتدفـن أبو اليـمّه
اشْكثر ﮔـلبك يبُو محمّد كثَـر هَمّـه
أبُوك المنـﭽـتلْ ظلْ منسفـح دمّـه
اومنِ افْراش المرض جيت الدفن جسمه
يا مَصْعـب افراﮒ الأبُو
وانته ابحزن جِيته
والأدْهى منْ جَـار العدُو
وسفه ابأهلْ بيته
همّك ثـﭽـيل
يـمَنْ رايـد تجيْ وتدفـن أبو اليـمّه
اشْكثر ﮔـلبك يبُو محمّد كثَـر هَمّـه
أبُوك المنـﭽـتلْ ظلْ منسفـح دمّـه
اومنِ افْراش المرض جيت الدفن جسمه
يا مَصْعـب افراﮒ الأبُو
وانته ابحزن جِيته
والأدْهى منْ جَـار العدُو
وسفه ابأهلْ بيته
همّك ثـﭽـيل
=+=+=
اشكثر يتحمّل اﮔـليبك غصَصْ مُـرّه
وهِمَلْ جفـنك جمُر يالوالي مُـو عبره
شفتْ عودك ذبيـح ودامي عالغبـره
وشفت هالعـايله ابحـيرتْها متيسْـره
يازيـن لِعْـباد ابألـم
ندري اشكبُر هَمّك
واحنا الدّمع منّا انسجَم
ريت انحَضُر يمّك
نسمع عويل
اشكثر يتحمّل اﮔـليبك غصَصْ مُـرّه
وهِمَلْ جفـنك جمُر يالوالي مُـو عبره
شفتْ عودك ذبيـح ودامي عالغبـره
وشفت هالعـايله ابحـيرتْها متيسْـره
يازيـن لِعْـباد ابألـم
ندري اشكبُر هَمّك
واحنا الدّمع منّا انسجَم
ريت انحَضُر يمّك
نسمع عويل
=+=+=
اوْصَلت للطّـفْ حزين اتشاهد المنظـر
جسَد نَوْرَاني يا وسفـه وغـدا امـوذّر
وﭼـثيره اجساد من حُـوله ابهجير الحَر
وﭼـفنها ابكل أسى الذَّاري وتراب البر
منظـر يشيّبْ كلْ طفل
واشْحاله دلاّلك
من تنظُر اجْسـاد الأهل
متصَرّعه اﮔـبالك
مَالَكْ مثـيل
اوْصَلت للطّـفْ حزين اتشاهد المنظـر
جسَد نَوْرَاني يا وسفـه وغـدا امـوذّر
وﭼـثيره اجساد من حُـوله ابهجير الحَر
وﭼـفنها ابكل أسى الذَّاري وتراب البر
منظـر يشيّبْ كلْ طفل
واشْحاله دلاّلك
من تنظُر اجْسـاد الأهل
متصَرّعه اﮔـبالك
مَالَكْ مثـيل
=+=+=
صِـرتْ تجمع جسَـد والمهجه تتلهّـف
وصُفتْ مِتْبَعْثـره اوْصَاله ابأراضيْ الطف
ﭼـبَدْته وغُنْصُـرَه وإنته اللّي تتوسّـف
تشيل اوْصـال دمَـاها مـا بعد تنشَف
الله يعِـينـك يالـولي
بمصابك اليفْجَـع
وابهالجفن صَـار ايهلي
من كلْ أسى المدمع
يطفح مسيل
صِـرتْ تجمع جسَـد والمهجه تتلهّـف
وصُفتْ مِتْبَعْثـره اوْصَاله ابأراضيْ الطف
ﭼـبَدْته وغُنْصُـرَه وإنته اللّي تتوسّـف
تشيل اوْصـال دمَـاها مـا بعد تنشَف
الله يعِـينـك يالـولي
بمصابك اليفْجَـع
وابهالجفن صَـار ايهلي
من كلْ أسى المدمع
يطفح مسيل
=+=+=
ﮔـبلْ ما تدفـن احسين الذي اتصوّب
نريدك تدفـن اﮔـلوب اللي تتعـذّب
حملنا اجـروح ابواليمّه وصُفتْ تشْخَب
وابد ما تندمـل بيـنه وحَـﮓ زينب
إدفن ﮔـلبنا المنفطـر
وَيْ جسْم ابواليمّه
وِشْيسوى بعده هالعمر
نحيا ابشرف إسْمه
واشقد نمـيل
لخادم الإمام زين العابدين(ع): ناصر الوسمي
ﮔـبلْ ما تدفـن احسين الذي اتصوّب
نريدك تدفـن اﮔـلوب اللي تتعـذّب
حملنا اجـروح ابواليمّه وصُفتْ تشْخَب
وابد ما تندمـل بيـنه وحَـﮓ زينب
إدفن ﮔـلبنا المنفطـر
وَيْ جسْم ابواليمّه
وِشْيسوى بعده هالعمر
نحيا ابشرف إسْمه
واشقد نمـيل
لخادم الإمام زين العابدين(ع): ناصر الوسمي
تعليق