((((( اه يا كف الكفيل )))))

[باسم الحساني]

اه ياكف الكفليل *** شلون بيك واحد يعيل

مادورا كم معصوم لقبلك *** اه يارهبة التقبيل

ثلاثه من المعصومين لقبلوك***ااولهم علي ودمعه يسيل

بيوم لجابتك ام البنين *** فرحانه والفرح منه يهيل

قبلك ابو الحسنين ويردد***يبني بلطف انت الكفيل

وثاني المعصومين بيوم الطفوف***حسين السبط كفوك يشيل

دنك عليهن محني الظهر ***وبفقدك مهدوم الحيل

وثالث المعصومين زين العباد ***اجاك بمعجزه يوم الرحيل

لدفن الاجساد متحدي الخطر ***والجسم منه عليل

شال الكفوف وبللهن دمع ***وينادي ياعم ياكفيل

قبل كفوفك وصوته يردد ***احنه اسارى يا اصيل

اختك تولوها العدى ***والشمر صاير معيل

شلون تكطع هاي الكفوف *** ماعرفواكرامة هل القتيل

علي والحسين وعلي ***قبلوهن ياله من تقبيل

لعنة الله على اهل الغدر*** غدورا ابو فاضل بين النخيل

ياسالوفة فخر لهذا الوفاء ***ياابوفاضل ياعز الكفيل

يا كرامة الكفين وبيهن قسم *** نريد الشفاعة ياحامي الدخيل

ذنوبنه بعظم الجبال *** والعمل منه كلش قليل

واذا تهنه بهل الحياة *** انتم النه نور ودليل

(بقلمي)

[باسم الحساني]

يالها من كرامه ثلاثه من المعصومين قبلوا هاي الكفوف
كفوف عباس البطل عوظه الباري جناحان بلجنه يطوف
بوجود الكفين ماواحد عطش جاب الماي والعسكر يشوف
يكرامه للكفين تبقى ليوم الحشر وكل العالم بيها وقوف

[خليل علي الزبيدي]

في ميزان الخدمة الحسينية ان شاء الله

[باسم الحساني]

اللهم يسمع ويستجيب دعائك اخي العزيز ابو امنه
اللم انصر خدمة الحسين وشيعة الحسين وانصار الحسين
اللهم انزل الطمانينه ورباطة الجاش على قلوب الشيعه
وفقك الله تعالى لكل خير اخي العزيز ابو امنه