قصيدة مولد الرسول (ص) بقلمي

[خليل علي الزبيدي]

اللهم صل على محمد وال محمد
احسنتم ويبارك الله بكم
شكرا لكم كثيرا
متباركين

أختنا الموفقة صدى المهدي الف الف شكر لمروركم العطر وفقكم الباري ورعاكم

[صدى المهدي]

اللهم صل على محمد وال محمد
احسنتم ويبارك الله بكم
شكرا لكم كثيرا
متباركين

[خليل علي الزبيدي]

تبسّم عل الربيع وفتـّح ازهاره
أبو الزهره بوجوده البحر يتجاره
*****
أول ما خلق نور النبي المحبور
ومن نوره طلع باكوانها كل نـــور
ﮔـَبل العرش والافلاك ﮔبل الحور
ﮔبل السبع والأبراج أنــــــــواره
*****
ﮔـَبل جبريل سبـَّح طه للمعبود
وكبَّر ﮔـَبُل كل املاكها المحـــــمود
ﮔـَبل نجومها وﮔـَبل الـﮔـُمر موجود
وﮔبل آدم الروح يشـِيد باخباره
*****
لينكر باب علمه ناكر علـــــومه
ونفس الماتوده تعيش محرومه
محمد سمه الباري وعترته نجومه
ببراج الكرم تتضــــاحك اقماره
*****
لتـﮔول النبي ميفيد عاش وراح
محمد هوا الباري وللبشر مصباح
نافخ بالنفوس وقابض الأرواح
وناكر هالفـــــــضل ماينغسل عاره
*****
مِلـَك صك الشفاعه وبيرغ الأنعام
وبحب آل بيته الدين عاش وﮔـام
بولاية آل أحمد وحدة الإســــلام
ملـَّكهم لواءه وعـِـــدهم اسراره
*****
باﭼر وارث المختار وجنوده
يرد الدين غض وينشر حدوده
يرفرف رايته وينفـِّذ وعوده
ولوجه النفاق يمزق استاره
*****
ميضل ظلم فوك الـﮔـاع ماينهار
ويُحكم بالعداله بصارمه البتـّار
يمشي ويَ العباد بحكم حامي الجار
ليوث الغانمة يـﮔولون أنصاره
*****
أحَلـْفِ المصطفه بعيون ابوابوسجاد
ينصر شيعة الكرار عالأوغاد
ويـْطـَهْر ِالارض من عصبة الإفساد
ولـﮔبر الزجيه نصير زواره
********
10 ربيع الأول
1434خليل علي الزبيدي