تويت
بين ابي بكر وجده ابي لهب ..د. فلاح الزيدي
د. فلاح الزيدي
رسالة من أبي بكر البغدادي الى ابي لهب ،،،،
،،،،،،،،،
من حفيدك جايك هذا الكتاااب
الك مو بالحبر بالدم انكتب
بيه اوضحلك اموور تهمنه حيل
وانت اشر عالنتيجه وعالسبب
حبل مرتك طوريناه بالعراق
حزام صااار يطشر بدم الشعب
والحطب ذاك الطفه بارض الحجاز
رجعيته وما اظن يكضي الحطب
والحمامه الخاينه والعنكبوت
بمكه ماخليت الهن اي نسب
والاسلام الخوفك بيه الرسول
بيه خليت اللهب ينكط لهب
نم قرير العين وافرح باليجيك
ولاتخوفك مسالة هااي الكبب
جاي افجر بالبقيع وكربلاء
وبارض سامرة الك انقل خطب
والحسين الهز ركن دولة يزيد
وداعتك كرهت بيه كل العرب
وخاف انسه الحسن اسال عالبقيع
تراب سويت الكبر مابيه ذهب
انه ابنك ما افشلك وانت ابوووي
الدين ذاك الفشلك موته اقترب
وعلي ذاك الخوفك دوم احجي بيه
دم اليتبعوووونه بالكوس انشرب
ومثل مانصبيتو جادر للوليد
عندي للحبو علي مثله انصب
والحصان الفوكه مرحب جرله سيف
وداعتك. مامات هم رد انركب
،،،،،،،
وجاء الرد من كائن سماوي إسمه ( الحشد الشعبي)
،،،،،
بخير بعده إسلامنا ودم الحسين
شما كثرتو جيوشكم عدنا الها ند
انفضح مضمون الرسالة وندري بيه
دير وجهك للكتبها ويمه رد
وگل لبو سفيان ولدك فشلوك
وخلها گرة عين طارق تستعد
المسچ ذاك الخلته جدة يزيد
( بالمناطق ) بعد ماينفع هند
عدنا وادم مايخوفها الرصاص
ناس من تشهگ جمر تزفر برد
وخل ترد ( أحزابكم ) ذيچ وتشوف
وخل يرد وحشي ويرد عمرو بن ود
ما اگلكم راح أهد بذو الفقار
انتم تعرفون بيمن راح أهد.
راح أهد بگصبة بيد ابن الجنوب
وماظن تنكرون زود ابن الحشد
الروس هاي الجايتنا من الحجاز
مفصلات الها بساطيل الولد
لأن ولدي أحرار سالفتي الصگور
وسالفة عصاتي بس يم العبد
مايموت اسلام بيه دم الحسين
كربلاء بخير خل تسمع نجد
خل يرد عاگولهم للصحره ذيچ
گاع ابو الاحرار تتنفس ورد
تعليق