فاطمه يا فاطمه .. علنبي متألمه

[خادمة الحوراء زينب 1]

السلام عليكم ورحمة الله وبركاته
اللهم صل على محمد وال محمد
********************
فاطمه يا فاطمه .. علنبي متألمه
دمعج الليله يصب .. كلبج ابناره يشب
فراك محبوبج صعب .. تجري دمعات السمه
فاطمه يا فاطمه
*****************
فاطمه ام الحسن .. عاشت الآم ومحن
تصيح دلالي انطحن ... مو دمع تبجي دمه
فاطمه يا فاطمه
****************
ويلي يا ام الحسين .. كلبج الليله حزين
طاها هلاضحه دفين .. ونار بابج مضرمه
فاطمه يا فاطمه
****************
ابابج اتجمع حطب .. بيد شذاذ العرب
عليهم الباري غضب .. لان ظلموا فاطمه
فاطمه يا فاطمه
****************
ويلي زينب بت علي ... تصيح باجر انولي
و شمر يبره المحملي .. وين جدي وصارمه
فاطمه يا فاطمه
****************
بالسمه صوت العزاء .. يصدح ابهذا النداء
راح ناموس الوفاء .. و المصايب قادمه
فاطمه يا فاطمه
****************
كل شي يبجي بالوجود .. راح نبراس الصمود
غابت انوار الخلود .. دنيه صارت قاتمه
فاطمه يا فاطمه
****************
راح سيد الكائنات .. راح اكسير الحياة
راح فخر المكرمات .. عليه تبجي فاطمه
فاطمه يا فاطمه
****************
راح مسموم النبي .. يا سماوات انحبي
شمت بينه الاجنبي .. غاب نور الغانمه
فاطمه يا فاطمه
****************
راح والكوم اعتنت .. باب حيدر حرقت
ضلع فاطم كسرت .. وين حيدر صارمه
فاطمه يا فاطمه

[ترانيم السماء]

فاطمة يافاطمة
ويلي يا ام الحسين كلبج الليلة حزين
عاشت ايدكم واعظم الله اجوركم بشهادة
منقذ البشرية الرسول الاكرم المكرم محمد صلى الله عليه واله وسلم

[خادمة الحوراء زينب 1]

واعظم الله اجوركم أختي الغالية (ترانيم السماء)بمصاب نبي
الرحمة ومنقذنا من الجهل والظلال محمد (ص)
لكم مودتي وتقديري