أبوذيات حسينية

[المستشاره]

بشرنا هواي تلكاهة بلاهم
وترة الشيطان لو وسوس بلاهم
واحنة ال النبي تدري بلاهم
نضيع ومنهو يشفع للبرية

[عامر الحسناوي]

دمع العين جف ونشف مايـــــه

وسكنة تصيح عمي ليش مايــه

الفرات اللي منعت العدوان مايه

وعطاشة قضوا ولد الزجيـــــة

[بنت الفواطم]

هله باسمك يلوك عليك ....عباس

اسد هاشم وسط الكوم ....عباس

مالوم الذي سماك ....عباس

اسد وانت الشبل بالغاضريه.

[عطر الكفيل]

هذه الأبوذية أهديها الى كل خدمة الحسين عليه السلام


يل كلمن جرى إعله حسين عبره

تمعّن وأخذ من امصابه عبره

فاطم عالصراط تصيح عبره

خدمنه بدنيته صبح ومسيه

[عاشق رقية عليها السلام]

خيلهه
العقيلة ابد ما شافوا خيلهه
غيور وچان يحميهه خي الهه
اخبرك بعد ماهجمت خيلهه
خذوا زينب يبو الغيرة سرية

[عاشق رقية عليها السلام]

عن لسان حال العقيلة وهي تبحث عن ابا الفضل العباس عليه السلام

وعينك

أ دور بياكتر جسمك وعينك
وأصيرن عون الك خوية وعينك
صريع مگطعة أچفوفك وعينك
رماهه بالغدر سهم المنية

وكأني بالعباس يرد على مكفولته و اخته الحوراء روحي لها الفداء

ولاعن

أنه أخوچ المايچل غوجي ولاعن
عتبچ حنن أضلوعي ولاعن
انه لا يمنه ولا يسره ولا عن (ولاعين)
رماهه بالغدر سهم المنية

[خليل علي الزبيدي]

موضوع قيم وجميل بارك بك اخ عاشق رقية لبث الروح في هذه اللآلئ