إعـــــــلان

تقليص
لا يوجد إعلان حتى الآن.

باسمَك يا عَظيم ..للمرحوم الشاعر رحيم المالكي (رحمة الله)

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • باسمَك يا عَظيم ..للمرحوم الشاعر رحيم المالكي (رحمة الله)

    من قصائد المرحوم الشاعر رحيم المالكي (رحمة الله)

    باسمَك يا عَظيم ابدي ابصَريح القُول ---------- غِيرَك ما لي ناصِر وحِّديتَك رَب

    وحُب آل الرَسول المنهَج ابدِنياي ------------ ابحُبهُم للجَليل وبيهم اتقرَّب

    أنة صاحِب عَقِل ميَّزِت وين الخير ------ ما ساوي الفَحَم وَي خِرزَة الكَهرَب

    شيعي ورافِضي اتسميني بعض الناس ------- نعم رافض ظُلمكُم ما أَبايع ضَب

    بايَعت الوَلِي النَّصُبَة الرَحمن --------- قاطِع راس عَمرو وشاطِرة المَرحَب

    وهي بَيعة ابشَرَف كمِّلَت هذا الدين ---- سَهلة اعلى الشِيعي وعالبَعَض تِصعَب

    خَلهة الناس تِحجي اشما تِريد اتكُول ----- أنة الراكُب الصَعبة وغيريما يِركَب

    عندي الموت راحة وهذا درب حسين ---- الَّذ امن الشَهَد بشفايِفي وأعذَب

    تِكِص بِيَّة المناجِل صار هاي اسنين ----- والوالَت الطاغِي امن العَذِب تشرَب

    نصَّبتُوا اله وحلليتوا اعليه ---------- مِن دمَّة العَفِن قرآنكُم يُكتَب

    وانة عِندي العِمامة ثَورة عالطاغُوت ---- وغيري ابخَزنة الطاغُوت ظَل يِنهَب

    أنة الشِيعة العراق امن العُرُض للطُول --- أنة الكُل مو جُزُءواليِعتِرض جَذَّب

    آنة البيت كله وراعي هذا البيت ------ أَموت ابساحِتي وماأَترك الملعَب

    شربت الموت طَوعاً ما شِكيت اِبيوم ---- اَنَة ابسُوح الاعدام وموتهة امجَرَّب

    اَنة امضحي بمراجع تسوة عمرو وزيد ---- صعدت عالمنابر والفشك يلهب

    قرابين اشكثُر قَدِّمت لاجل الدين ------ وآخرهِن فَجيعَة كَربَلا الاصعَب

    ودم الكاظمية الطاح بالمحراب ----- بحر دمنة ايتدفق ما رضوا ينضب

    رضوا ينسفك دمي وجددوا عاشور --- انة المطلوب دمي امريكا مو مطلب

    ولا مسألة محتل واحنة نعرف زين -------- واعين الدسايس وين تترتب

    وعلى يا وتر تعزف شلَّة الإرهاب ----- ونعرف ما تريدة وندرك المطلب

    لكن لا وحك دم الشهيد الطاح بالمِحراب --- يوم الصعد كلة البارية امخضب

    إذا فتوى اطلَعت بيكم تميد الكاع ----- ونكطعهة الجفوف المَدَّت المَخلَب

    نعرفكم منو ونندَل حياية البيت ------- وندري ابيا مكان اتخُوتل العَكرب

    كفاكم دم ترة ازعل واليصير ايصير ---- واحذروا من حليم القوم اذا يغضب

    يصفط روسكم فوك الجباه يدوس ------ ويخلي ابدماكم يبحر المركب

    سامحنة وكلبنة اوراق يابو اوراق ----- وعمرنا وبنينا والبعض خرب

    منزع ما بقة ابقوس الصبر يا ناس ---- امتلى صدر الرجال وغيضهم ضهضب

    ما ردنا الدمار واحنة ما بادين---- وحشاهة من التعصب كوم هالمذهب

    لكن غيرنا ايريد الدمار ايصير ---- وخف رجلة اعلة طبل الفاينة واطرب

    مو ذنب أغلبية هذا واقع حال --- غصبن عالرضى والما رضى الأغلب
    التعديل الأخير تم بواسطة الراصد; الساعة 21-09-2010, 02:32 AM.

  • #2
    الف شكر اخي احمد الخفاجي والف رحمة على روح الشاعر رحيم المالكي الذي طالته ايادي الغدر
    التعديل الأخير تم بواسطة الراصد; الساعة 21-09-2010, 07:31 AM.
    sigpic

    تعليق


    • #3
      شكرا جزيلا اخت ام حيدر على مرورك الكريم والمعطر وفقك الله وجزاك خيرا...

      تعليق


      • #4
        عندي الموت راحة وهذا درب حسين ---- الَّذ امن الشَهَد بشفايِفي وأعذَب

        فعلا من يتغذى على حب الحسين يهون عليه غذاء الدنيا وبهرجتها
        هنيأ لكم محبي الحسين عليه السلام

        وَمَنْ يَتَّقِ اللهَ يَجْعَلْ لَهُ مَخْرَجاً

        تعليق


        • #5
          حشرك الله مع الحسين علية السلام اخي العتابي ..
          فشكرا على مرورك المبارك ووفقك الله ورعاك وادامك بحفظة..

          تعليق

          يعمل...
          X