إعـــــــلان

تقليص
لا يوجد إعلان حتى الآن.

جرح الطفوف

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • جرح الطفوف

    اللهم صل على محمد وال محمد الطيبين الطاهرين


    اليكم ابيات في حق مصيبة الحسين ع ارجو ان نوفق بها والتوفيق لقارئيها




    ياجرح الطفوف الما يلمه اضماد =ويا نحر اليلمه أضماد ونضمده
    امن الابهر يسيل ونزفه حار وحاد= وبجرف الاباء اتنومس وندّه
    صعد ضوّة الزوايا الاظلمت بالكون= طش نوره وصفت عين الشمس رمده
    بسيوف المناية ايذوب حد كل سيف =والشاطر يهج ويلبد بغمده
    بس هذا الجرح شايل معاني السيف= يضحك عالمنية وضحكته بحده
    مد روحه نهر كل ضفه معنى اتشيل= وحده ام الفرج والثانية الشده
    يتفايض كرامة وعزة ماتنظام= وعيون الحياة اتروت بمدّه
    ماشايف جرح يضحك بوجه السيف= وانطاه بكرم من طلب ما رده
    شال اطباع راعيه ابيّ الظيم= ماهزه الوﮔف سبعين الف ضده
    من مثلة ايتبرهج منه ﮔلب أعداه= يخطيله الجدم ذباحه ويرده
    صاحتلة الرماح وصاح بيهه حسين= اﮔبل واﮔبلت واتصوره ابوحده
    مد روحه وفه ومد جفه غطه الكون= خيّم عالطفوف بعزم يتحده
    يافيّ اليتامه وياروي العطشان= ياسور العداله النحتمي بسده
    ياكوسر هوانه العلّم المايوس= يتوزر شهامة وغيرتة بحده
    يالعزمك رمح شل كل رماح اعداك= وأتعـﮔر الخيل المالهن عده
    من مثلك ترس حلـﮓ المنية ابطال= كرم حتى برضيعه النايم بزنده
    من مثلك وﮔف والموت صف اوياه= شتل روحه درع لاينسحـﮓ حده
    فزعت من وﮔف نبض الزلم يحسين= صدرك ناحر السيل وصرت سده
    تتسابـﮓ نصد العاديات اعليك= جم سيف انفرك بظلوعك وحدّه
    شحالك من عطش جبدك يبو الاحرار= وطفك شدة ظلت تتبع الشده
    تلطّخ بالمذله وشّيب التاريخ = من شال النذل راسك ضرب خده

    3صفر1428هـ
    التعديل الأخير تم بواسطة ابو رضا السماوي; الساعة 29-01-2011, 06:04 PM.
    السلام عليك يازهراء

  • #2
    اللهم صل على محمد وآل محمد

    قصيده رااائعه حقــا أعجبتني كثيراً

    عسى أن يرفعكم الله بكل حرف خطيتمـــوه درجه في الجنه

    بارك الله بك...تقبل مروري

    أختكم

    المُواليـــه البصراويـــه
    قـــــــــــــــــــــال أمير المؤمنين علي (عليه السلام)

    دواء القلـــــــــــــــــــــ ــــــــب الرضـــــــــــــــــــــ ــــــــــا بالقضــــــــــــــــــــ ـــــــــــــــــاء

    تعليق


    • #3
      اللهم صل على محمد وآل محمد
      اهلا بك الموالية
      وجزيل الشكر لحروفك
      لك اكليل ورد
      السلام عليك يازهراء

      تعليق

      يعمل...
      X