إعـــــــلان

تقليص
لا يوجد إعلان حتى الآن.

كلنا عباسك يا سيدتي زينب (ع)

تقليص
X
  •  
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كلنا عباسك يا سيدتي زينب (ع)

    كل شاعر كتبلج ماوصل ليج

    ولا تكدر توصفج كل الاقلام


    وفخر لمن كتبلج ولهه محسوب

    التواريخ بسفرهه تشيلج اوسام


    تــــاج على النــــسة زيــنب اخليج

    ومثلج ماتجيب بيوم الارحام


    الج هيبة وقداسة ونور ماصار

    واذا ندخل نزورج نلبس احرم


    العقيدة اتمثلت بيج انتي والوالدين

    ونفس الدين منج ياخذ اسلام


    ويم هيــبة ضريحج يخشع الكون

    ووجوبآ يم حضرتج تنحني الهــام


    زينــب والمصايب تؤأم اثنين

    وياهه الحزن متحزم احزام


    عيون اثنين عدهه وشالت الخوف

    ولا ضاكت كره ولا لذة احلام


    منهن عين ضلت دمعة لحــــــــسـيــن

    وعين بخوف ضلت ترعة الايتام


    وصدك ما اصدك عــــافج حســيــن

    ووحدج ما اضن رحتي للشام


    ميت ولحسين عيوونة ترعاج

    فوك على الرمح ماتقبل اتنام


    ومثل امــــــــــــــج صغيرة وشلتي الهموم

    وتجرعتي قصص وشكثر الآم


    وعفة لكلبج تحمل كثر ضيم

    ومثل كور على راسج حزن الاياام


    من عد الاعوام تشيب الناس

    وانتي بمحنتج شيبتي الاعوام


    ومر جان الاسر يازيــنــب عليج

    وكل عام اليمر ينعد بالف عام


    وصح انتي مرة بس جنتي خيال

    وشباه الرجال كبالج اقزام


    ويظل اســمج حقيقة بعين السنين

    وتلاشت كل امية وصارت اوهام


    بيج جروح حمرة تفزز الليل

    شما مر الزمن مااضنه تلتام


    الج دور انتي كمل ثوورة حســين

    ولولاج انتي مدالثورة مادام


    دور حسين دمة و روة الطفووف

    وواضح جان دورج دور الاعلاام


    صواعق في خطبتج حمم سجيل

    ومنهه جم قناع الطاح ولثام


    ومو صمصام شلتي بحضرة يزيد

    صووتج جان ينعد بالف صمصام


    واذا اصنام طاحت كبل بالســيف

    لسانج صار ســـــــيـــــــف وطيــــــــح اصنــــــــــــــامـــ







  • #2





    تعليق


    • #3
      سلاما على بطلة كربلاء وعليك موفق بحق آل محمد
      sigpic
      إحناغيرحسين *ماعدنا وسيلة*
      ولاطبعك بوجهي"بابك إ تسده"
      ياكاظم الغيظ"ويامحمدالجواد "
      لجن أبقه عبدكم وإنتم أسيادي

      تعليق


      • #4
        طيب الله انفاسك
        بارك الله فيك
        حسين منجل العكيلي

        تعليق

        عذراً, ليست لديك صلاحية لمشاهدة هذه الصفحة
        يعمل...
        X