تويت
السَّلامُ عليك يا أبا عبد الله السلام عليكَ يا ثار الله وابن ثارِهِ والوتر المَوتُور السَّلام عليكَ وعلى الأرواح التي حلّت بفنائك عليكم منِّي جميعاً سلامُ الله أبداً ما بَقيتُ وبَقيَ الَّليلُ والنَّهارُ .
عظم الله أجوركم
طالع حسين وي اخوته طـالع حسين
يسمـــِّع الأجــيال صوته طالع حسين
******
يسجل التاريخ بيده سطــــــــور آل الملحمه
شلون كتبت نصر لامع والحبر فـيض الدمه
والورق أرض الطفوف الطولها علو السمه
وبأيادي ليوث حيــــــدر بالكــــــتاب مشيمه
شيمتها ام الحــسن
شلون تكتب للزمن
طالع حسين وي اخوته طالع حسين
*****
ماهي طلعت رجل رايد منـــــــصب ولامرتبه
رايد يرجع الاســـــــلام وبيده سل مذهـــــــبه
شرب من ماي الولايه ورضـع من ثدي الإبه
يـﮔصِّر اعمار الوحـوش ويـﮔص راس الناصبه
ويأمر بشرع الرسول
وسيرته شــبل البتول
طالع حسين وي اخوته طالع حسين
******
المسلم الثوري الرسالي شلون تقــبل غيرته
ينذبح شرع الاســـلام وهو رابي بدولـــــــته
لازم يقـــدم ضحايا لجل نصـــــــــره وعزته
ومن يشوف الوعد يـﮔرب لازم يرف رايـــته
يرف رايات الوفــــه
لنصر دين المصطفه
طالع حسين وي اخوته طالع حسين
*****
هله هله شهالبســــــــــاله هله هله شهالعزم
شلون سرب ليوث سارت بدر وتحوطه النجم
ليوم ابو القاسم وسيفه من اميه ينتــــــــــقم
ومنهج ودار النفاق بهالكتيبه ينهـــــــــــــجم
ويصبح وذاري الرمادْ
دار سفـــــيان وزيـــادْ
طالع حسين وي اخوته طالع حسين
******
ظنت الشجرة الخبيـــثه بالدجل تمحي الأمرْ
وساست الناس بدعايه وحيَل وارهاب ومكرْ
وﭽان منهجها الفســـــاد وصوتها دم وغدرْ
وقرر حسين بضميره الدين لازم ينتــــــصرْ
ولازم ترد العقــــولْ
تنتهج نهج الرسولْ
طالع حسين وي اخوته طالع حسين
******
ولوله هالطلـــــــــعه الأبيه لاصلاة ولاصيامْ
ولاكتاب ولاشهـــــــــــاده ولاعباده ولاسْلام
وترد هالوادم وحوش مـﭼتفه بحب الاصنامْ
ويرد بيت الله وكتابه لا حجــــــــيج ولاسَلام
وتشهد المروه وصفه
شلون ابو اليــمه وفه
طالع حسين وي اخوته طالع حسين
*******
يااله الكون عـــــــــــجِّل ياالهي بالظــــــــهور
وبيِّن انوار الكرامه وكمِّل بطلعــــــــــته النور
وخذ ثار الهاشميه وبابها وهــــــــتك الستور
وحرْﮒِ الخيام الكريمه بنارها ورض الصدور
والعدل بالخافقـــــين
يالثارات الحســــين
******
محرم 1435
حسين منجل العكيلي
تعليق