((آخر وداع))
***********
بوداعك يخويه جروحي تنزف // وراية نصرك ترف
مكلف حالي يابو اليمه مكلف
**************
أعوف الجسد دامي وأمشي ويَّه الراس/ ذاري الغبره لجفان
أركب عالهزل لاخوَّه لا حرّاس / نهاري وليلي حرمان
أحس روحي غريبه صفت بين الناس / من رحتوا يوليان
لاظلّك بكَه ولاجفَّه للعباس / بس لمَّت الغربان
وحدي بحيرة أيتام
يسيره أمشي للشام
شوصف ياعزيزي الحال شوصف
***********
خيمنه رماد صارن من لهيب النار / ماتطفيهه لدموع
اعاين خيل تسحك والجثث طشّار/ حقدهه يطحن ضلوع
نعيش نهار أظلم مانشوفه نهار / لافرحه ولشموع
بعد ياحال أسولف الجره والصار/ حتَّه البجي ممنوع
دمعاتي حزينه
وهمومه رهينه
متجف عيني من دمعاتي متجف
***********
حزينه الروح ظلَّت والكَلب يدمي/ يحس لوعة عذابك
من زينب الحرَّه أم الحزن أسمي / ياخويه بغيابك
دمعي لو نشف لعيون دم تهمي/ ماأنسه مصابك
كل لحظه بسهم دهري يصد يرمي / يمفارك أحبابك
ضحايا الغاضريه
تشابكهه الوطيَّه
تخسف بيَّه ريت الكَاع تخسف
************
غصب عنَّك خذوني ياك ماظلّيت / ريت الموت أجاني
شمال البين مايدريشكثر عانيت / وشماله نساني
أريد أبقه وأشم بمنحرك ياريت / وأبجيك بزماني
بيا حاله يبو السجاد أرد للبيت / من فكَدك اعاني
ليلي أظلم نهاره
غريبه مالي جاره
تلف الدنيه بيَّه أدور وتلف
************
بدرب اليسر أمشي ماجزع صبري / بآلآم الرزيَّه
شماته تشوف عيني لوطلع فجري/ وآنه ألهم هديَّه
تظل يحسين راية عز ألي وفخري / وحك أمنه الزجيَّه
آنه البيك راسي شامخ وقدري / ماذِل لآل أميَّه
هيهاتك وسمهه
حاشه الذل سهمهه
أنصف ثورتك بالروح أنصف
************
***********
بوداعك يخويه جروحي تنزف // وراية نصرك ترف
مكلف حالي يابو اليمه مكلف
**************
أعوف الجسد دامي وأمشي ويَّه الراس/ ذاري الغبره لجفان
أركب عالهزل لاخوَّه لا حرّاس / نهاري وليلي حرمان
أحس روحي غريبه صفت بين الناس / من رحتوا يوليان
لاظلّك بكَه ولاجفَّه للعباس / بس لمَّت الغربان
وحدي بحيرة أيتام
يسيره أمشي للشام
شوصف ياعزيزي الحال شوصف
***********
خيمنه رماد صارن من لهيب النار / ماتطفيهه لدموع
اعاين خيل تسحك والجثث طشّار/ حقدهه يطحن ضلوع
نعيش نهار أظلم مانشوفه نهار / لافرحه ولشموع
بعد ياحال أسولف الجره والصار/ حتَّه البجي ممنوع
دمعاتي حزينه
وهمومه رهينه
متجف عيني من دمعاتي متجف
***********
حزينه الروح ظلَّت والكَلب يدمي/ يحس لوعة عذابك
من زينب الحرَّه أم الحزن أسمي / ياخويه بغيابك
دمعي لو نشف لعيون دم تهمي/ ماأنسه مصابك
كل لحظه بسهم دهري يصد يرمي / يمفارك أحبابك
ضحايا الغاضريه
تشابكهه الوطيَّه
تخسف بيَّه ريت الكَاع تخسف
************
غصب عنَّك خذوني ياك ماظلّيت / ريت الموت أجاني
شمال البين مايدريشكثر عانيت / وشماله نساني
أريد أبقه وأشم بمنحرك ياريت / وأبجيك بزماني
بيا حاله يبو السجاد أرد للبيت / من فكَدك اعاني
ليلي أظلم نهاره
غريبه مالي جاره
تلف الدنيه بيَّه أدور وتلف
************
بدرب اليسر أمشي ماجزع صبري / بآلآم الرزيَّه
شماته تشوف عيني لوطلع فجري/ وآنه ألهم هديَّه
تظل يحسين راية عز ألي وفخري / وحك أمنه الزجيَّه
آنه البيك راسي شامخ وقدري / ماذِل لآل أميَّه
هيهاتك وسمهه
حاشه الذل سهمهه
أنصف ثورتك بالروح أنصف
************
تعليق