إعـــــــلان

تقليص
لا يوجد إعلان حتى الآن.

آخر وداع بين العقيله والحسين

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • آخر وداع بين العقيله والحسين

    ((آخر وداع))
    ***********
    بوداعك يخويه جروحي تنزف // وراية نصرك ترف
    مكلف حالي يابو اليمه مكلف
    **************
    أعوف الجسد دامي وأمشي ويَّه الراس/ ذاري الغبره لجفان
    أركب عالهزل لاخوَّه لا حرّاس / نهاري وليلي حرمان
    أحس روحي غريبه صفت بين الناس / من رحتوا يوليان
    لاظلّك بكَه ولاجفَّه للعباس / بس لمَّت الغربان
    وحدي بحيرة أيتام
    يسيره أمشي للشام
    شوصف ياعزيزي الحال شوصف
    ***********
    خيمنه رماد صارن من لهيب النار / ماتطفيهه لدموع
    اعاين خيل تسحك والجثث طشّار/ حقدهه يطحن ضلوع
    نعيش نهار أظلم مانشوفه نهار / لافرحه ولشموع
    بعد ياحال أسولف الجره والصار/ حتَّه البجي ممنوع
    دمعاتي حزينه
    وهمومه رهينه
    متجف عيني من دمعاتي متجف
    ***********
    حزينه الروح ظلَّت والكَلب يدمي/ يحس لوعة عذابك
    من زينب الحرَّه أم الحزن أسمي / ياخويه بغيابك
    دمعي لو نشف لعيون دم تهمي/ ماأنسه مصابك
    كل لحظه بسهم دهري يصد يرمي / يمفارك أحبابك
    ضحايا الغاضريه
    تشابكهه الوطيَّه
    تخسف بيَّه ريت الكَاع تخسف
    ************
    غصب عنَّك خذوني ياك ماظلّيت / ريت الموت أجاني
    شمال البين مايدريشكثر عانيت / وشماله نساني
    أريد أبقه وأشم بمنحرك ياريت / وأبجيك بزماني
    بيا حاله يبو السجاد أرد للبيت / من فكَدك اعاني
    ليلي أظلم نهاره
    غريبه مالي جاره
    تلف الدنيه بيَّه أدور وتلف
    ************
    بدرب اليسر أمشي ماجزع صبري / بآلآم الرزيَّه
    شماته تشوف عيني لوطلع فجري/ وآنه ألهم هديَّه
    تظل يحسين راية عز ألي وفخري / وحك أمنه الزجيَّه
    آنه البيك راسي شامخ وقدري / ماذِل لآل أميَّه
    هيهاتك وسمهه
    حاشه الذل سهمهه
    أنصف ثورتك بالروح أنصف
    ************
    التعديل الأخير تم بواسطة خالد محمد مهدي الحجار; الساعة 15-09-2014, 08:37 PM.

  • #2
    احسنتم بارك الله بكم وبفيضكم الرائع

    تعليق


    • #3
      ممنون لكل فيض عذبشكرا جزيلالاتنسونا بالدعاء للشفاءشكرا // ممنون

      تعليق


      • #4
        [quote=خالد محمد مهدي الحجار;425779]ممنون لكل فيض عذبشكرا جزيلالاتنسونا بالدعاءان شاء الله الشفاء العاجل %

        تعليق


        • #5
          عذب وشهد فيضكم
          شكرا جزيلا لكل كلمه ودعاء
          شكرا // ممنون

          تعليق


          • #6
            بوداعك يخويه جروحي تنزف // وراية نصرك ترف
            مكلف حالي يابو اليمه مكلف .. اه يازينب ياام الخدر .. سلام من الله عليكِ

            احسنت اخي الكريم

            تعليق


            • #7
              السلام على فخر المخدرات العقيله زينب أم المصائب
              شكرا لفيضكم ومروركم الكريم
              لاتنسونا بالدعاء للشفاء
              شكرا // ممنون

              تعليق

              يعمل...
              X