تويت
أبو صالح وقف بالطف * ليلة أربعين حسين
وشوف ابعينه الزوار * تلطم والدمع بالعين
--
ناس اتصيح ياعطشان *وناس تصيح يا مذبوح
وموكب يزحف يواسي *بتولة والدمع مسفوح
وفوج يطوف ويلبي *ويسعى وينتحب وينوح
وناس تنادي ياعباس *وناس تصيح آه يحسين
--
سالت دمعة الحجة* من الحسرة على خده
من تذكر أبو اليمة *غريب ابكربلا وحده
هذا اجبهته يصوبه *وهذا يصوبة بجبدة
وذاك ايصيح عجلوا* عليه ذوبنا ونين حسين
كفكف دمعته المهدي *ودار يخاطب الزوار
عليكم فاطمة الزهرا *يشيعة حيدر الكرار
رقية لا تذكروها *اذا زرتوا أبوا الأحرار
أخاف الطفل يتحرك *على صدر العزيز حسين
--
أخاف الطفل يتحرك *على أضلوعه المتكسرة
ويتوعى الولد لكبر* إلى نحر الأبو صدره
ويشوف الصدر دون ضلوع *وجسمه منقطع نحره
ويشوف خنصره المبتور* مرمي تحت جف حسين
--
وزينب لا تذكروها *إذا زرتون أبو فاضل
أخاف البطل يتوعى *وعن حال أخته ايسايل
لا تقولون إله زينب * مشت بعده بلا كافل
ولا تخبرونه الحوراء *شافت شمر داس حسين
لا حد يحجي عن زينب * إلى عمي البطل عباس
لا يسمع عن الحوره* دشت مجلس الأرجاس
اخاف يقوم ابو فاضل * رغم ضربة عمود الراس
ويحاول يصفق ايمينه * ابيساره وهو بلا جفين
--
يزوار البطل عباس * قلبه لا تكسرونه
ترى بعده السهم نابت * ما شاله من اعيونه
ولولا هالسهم لحسين *راسه ما يقطعونه
ولا رضت عشر لخيول * صوب الحوره صدر حسين
عظم الله اجورنا وأجوركم
تعليق