إعـــــــلان

تقليص
لا يوجد إعلان حتى الآن.

صوره بخيالي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • صوره بخيالي


    (( صوره بخيالي ))

    صوره بخيالي مرسومه لجمالك ... وگضي الليالي اتنظّر وصالك
    ياخذني ليك الحنين ... انته حياتي حُسين
    صوره بخيالي مرسومه لجمالك
    ************
    ياأمير الشــــوگ يامن تسري ويه انفاسي
    والله من يوم العرفتك صرت رفعة راسي
    طبعي أنه من الولاده أعشـــگ إِبحساسي
    تدري ياريع العُمر ... يحله ويّاك الصبُر
    مايهمني شما مايمُر
    دوم إِعله بالي ياتاج الكرامه ... ثابت وصالي مايخشه الندامه
    عزمي أبد مايلين ... أنته حياتي حُسين
    صوره بخيالي مرسومه لجمالك
    ************
    يانهر يجري بحيــاتي شلون ارد معروفك
    صار كل همي أگضّي العُمر يم اجـروفك
    وانه بســــــــواد النواظر دوّنيت أحروفك
    بلسم أنته الكل جرح ... اوكلبي بسمك منشرح
    مثلك أبداً يصح
    ساكن ضميري يمنور فؤادي ... اگضي حياتي سهران اوانادي
    رغماً عله الحاقدين ... انته حياتي حُسين
    صوره بخيالي مرسومه لجمالك
    ************
    روحي مشتاگه تشـــــوفك وانته تعلم بيها
    ماتهوّد لـون لحظـه ماتمُـر إِعليهـــــــــــا
    تصفه بغيـــــــابك غريبه اومحّد ايواسيها
    تظل مشدوهت فكر ... اوتحچي وي خيط الفجر
    تگلّه مامرني البدر
    غاب اوتركني اتحمل اذيه ... چايمته يرجع وتبارك إِبضيه
    خل تسمع العاشگين ... انته حياتي حُسين

    صوره بخيالي مرسومه لجمالك
    ************
    انه ماأگدر اعوفك صرت ســـــــــلوة روحي
    اولورحت عني عيني لحظــه ما ابطل نوحي
    تدري من بعدك احير شلون اداوي اجروحي
    أبقه گاعد عالدرب ... والدمع مني يصب
    وشكي همي للغُرب
    مرمرني كلبي مايهجع ونينه ... يسئلني يمته محبوبي يجينه
    يصرخ ابجرح السنين ... انته حياتي حُسين

    صوره بخيالي مرسومه لجمالك
    ************
    كلبي ولهـــان ابودادك هاك اخـــــــــذ أخباره
    عُگبــك أحــــــواله عجيبه اودمع عينه تجاره
    ونطُفت بعدك يغـــــــــــالي اليـــله كل انواره
    من سمع عنّك خبر ... چم ضلع بيك انكسر
    اوطاح إِخيـّك عالنهر
    ناده الظليمه شرع الله تصوّب ... وبدم وريده هلليله تخضّب
    انحب عليك ابونين ... انته حياتي حُسين

    صوره بخيالي مرسومه لجمالك
    ************
    بقلم / سعد مطلوب الخفاجي
    ******
    رابط القصيده
    https://www.youtube.com/watch?v=OLrD4JnN0ds
    التعديل الأخير تم بواسطة سعد مطلوب; الساعة 06-02-2015, 01:19 PM.
    أنه أبدرب الولايه ... أمير أوبيدي رايه

  • #2
    اكثر من رائع
    وفقكم الله لخدمة آل البيت

    تعليق


    • #3
      طيب الله انفاسك وفقت

      تعليق


      • #4
        هنئك الباري بجميل الصور بحق الحجة المنتظر

        تعليق


        • #5
          قصيده رائعه

          تعليق


          • #6
            عزيزي الغالي
            السيد بارق
            اطرائك الاروع سرني مرورك
            النير خالص شكري وامتناني
            أنه أبدرب الولايه ... أمير أوبيدي رايه

            تعليق


            • #7
              شاعرنا العزيز
              الأخ سعيد الفتلاوي
              الله يطيب انفاسك الكريمه شرفني مرورك النير
              خالص شكري وامتناني
              أنه أبدرب الولايه ... أمير أوبيدي رايه

              تعليق


              • #8
                عزيزي الغالي
                أبو امنه
                ربي يحفظك ويديمك ياطيب مرورك الرائع نور صفحتي
                خالص شكري وامتناني
                أنه أبدرب الولايه ... أمير أوبيدي رايه

                تعليق


                • #9
                  الأخ العزيز
                  خالد المسعودي
                  ممنونك عزيزي الغالي ربي يحفظك ويوفقك ياطيب
                  أنه أبدرب الولايه ... أمير أوبيدي رايه

                  تعليق


                  • #10
                    ما اروعك يا حاج سعد رحم والدك رحمه الله وتقبل المودة والدعاء قصيدة رائعة

                    تعليق

                    يعمل...
                    X